LAAT DIE NATUU VIR JOU GELD MAAK

Landbouweekblad-konferensies, in trotse vennootskap met Graan SA, die Riemland-studiegroep, die Ottosdal-geenbewerkingsklub en die Soil Health Support Centre.

INTERNASIONALE GASSPREKERS Prof. Buz Kloot

Prof. Buz Kloot het sy loopbaan as chemiese ingenieur in Namibië begin. Buz het voorgraads aan die Universiteit van Kaapstad studeer, en later die grade MBA en PhD aan die Universiteit van Suid-Carolina in Amerika verwerf. Hy is betrokke by verskeie projekte rondom herlewingslandbou en grondgesondheid. Buz se werk rondom kunsmisbesparing en dekgewasse word as baanbrekerswerk beskryf.

Mnr. Jason Carter

Mnr. Jason Carter is ’n progressiewe boer wat al meer as 23 jaar met mielies, sojabone en katoen in die Amerikaanse deelstaat Suid-Carolina boer. Benewens die aanplanting van verskeie dekgewasse om grondgesondheid te verbeter, meen Jason biologiese grondtoetse kan boere se besluitneming met betrekking tot voedingstofbestuur baie verbeter. Jason eksperimenteer ook graag met werktuie en toerusting.

Dr. Valeria Faggioli

Dr. Valeria Faggioli is ’n navorser aan die Nasionale Instituut vir Landboukundige Tegnologie in Buenos Aires, Argentinië. In 2016 het sy ’n doktorsgraad aan die Nasionale Universiteit van La Plata verwerf. Haar vakgebiede sluit in mikrobiologie, mikologie, gewasproduksie en die biodiversiteit van natuurlike hulpbronne. Sy bestudeer die impak van die landbou op grondbiota en die uitwerking daarvan op biodiversiteit.