MELKFORMULE VIR HANSWILDSBOKKIE
FORMULE
Ek het ’n wees-wildsbokkie. Watter melkformule kan ek gee? ■ 500 ml volroombeesmelk ■ 2 eiergele ■ Carmino Plus (Atec International) – 0,5 g per liter melk ■ Protexin (Kyron) – 1,5 g per dag (Vra jou plaaslike veearts om die bestanddele vir jou te bestel)
maak. Steriliseer die bottels ná elke voeding. Middels wat vir bababottels geregistreer is, kan hiervoor gebruik word. Spoel die bottels goed uit voor die volgende voeding.
Die bokkie moet daagliks teen 10% tot 15% van sy liggaamsgewig gevoer word, byvoorbeeld ’n bokkie wat 10 kg weeg kry 1 liter tot 1,5 liter melk per dag. Verdeel die hoeveelheid melk per dag in vier tot ses voedings.
TEMPERATUUR
Dit is belangrik dat die melk elke dag vars aangemaak en in die yskas gebêre word. Meet voor die voeding slegs die hoeveelheid melk vir daardie voeding af. Plaas die plastiekbottel in ’n houer met kookwater totdat die melk liggaamstemperatuur bereik. Toets die melk se temperatuur op die agterkant van jou hand; as dit jou hand brand, is dit te warm.
EIERS
Dit is belangrik om net eiergele te gebruik, aangesien die wit van die eier diarree veroorsaak.
URINERING EN ONTLASTING
Onthou dat pasgebore bokkies gestimuleer moet word om te urineer en te ontlas deur ’n stukkie watte in louwarm water te doop en dan herhaaldelik oor die anus, vulva of skede te vryf.
LUSERN
Vanaf die derde week ná geboorte kan jy ook gekerfde groen lusern aanbied.
SPEENOUDERDOM
Die bokkie kan binne drie tot ses maande gespeen word.
Hou in gedagte, bokkies se beste kans op oorlewing is by die ma. Indien hulle regtig wesies is, moet jy besef dit is baie harde werk om weesbokkies groot te maak en dat stres nie in hul guns tel nie. Indien jy nie hiervoor kans sien nie, kan jy ’n rehabilitasiesentrum naby jou kontak en die bokkie eerder soontoe neem.
Neem ook kennis dat permitte van Natuurbewaring benodig kan word. Kontak jou naaste Natuurbewaringskantoor vir meer inligting. Dr. Faffa Malan is bestuurder van die Herkouerveterinêre Vereniging van Suid-Afrika.