Veeteelt: Nuwe tegnologie wen volle generasie

’n Klein verstelling wat gelei het tot groter seleksie-akkuraatheid van teeltmateriaal, asook tegnologie wat ’n hele geslag wen deurdat die nageslag van uitsonderlike jong vroulike verse sneller voortgeplant word, sit Suid-Afrika tans in die genetiese binnebaan.

Reproduksie-veeartse van Bloemfontein maak tans groot spronge met beesteelt deur die praktiese toepassing van genomika en eksperimentele prosedures waarvolgens die nageslag van jong verskalfies verwek kan word voordat hulle self puberteit bereik.

Die prosedure van Absolute Genetics, ’n embriosentrum oos van die stad, is nog in ’n eksperimentele fase, maar sal binnekort

aan telers beskikbaar wees. Die eerste dragtighede afkomstig van die behandelde versies is reeds bevestig.

Die toepassing van genomika in diereteelt is nog ’n haas onbekende veld vir die meeste telers, maar danksy genomiese vordering word reproduksietegnologie nou prakties ingespan om genetiese vordering in beeskuddes te versnel.

Vroulike reproduksietegnologie, soos veelvuldige ovulasie en embrio-oordrag, asook die in vitro-bevrugting en embrio-oordrag in jong diere (oftewel Jivet) kan veelvuldige nageslag in die paring van skape en beeste bewerkstellig.

Absolute Genetics is waarskynlik die enigste van die sowat vier soortgelyke sentrums in die land waar die eierselle van jong verse met bewese genetiese eienskappe, geoes word om die generasie-interval in kuddes te versnel.

Dr. Fanie Steyn, ’n direkteur van die sentrum, sê vroulike reproduksietegnologie, soos veelvuldige ovulasie en embrio-oordrag, asook Jivet kan veelvuldige nageslag in die paring van skape en beeste versnel.

In teelprogramme maak dit ’n verhoogde keuringsintensiteit van vroulike diere moontlik en in die geval van Jivet beteken dit ’n inkorting van die generasie-interval, wat ’n verhoogde tempo van genetiese vordering meebring.

Produsente het vroeër van dié tegnologie weggeskram weens die lae seleksie-akkuraatheid van jong versies wat daaraan onderwerp is. Genomiese seleksie kan egter nou die seleksiesukses van kandidate op ’n vroeër

FOTO’S: JOHAN NORVAL Skaars drie maande oud en dié Wagyu-versie word aan ’n in vitrovrugbaarheidsprogram onderwerp. Sy is egter net die skenker van eierselle nadat sy met natuurlike hormone behandel is. Die veearts wat die reproduktiewe organe deur die endoskoop in sy linkerhand beloer, is dr. Thomas Steyn, een van die direkteure van Absolute Genetics. Die instrument in sy regterhand word gebruik om die eierselle op te suig. Links is mnr. Ben Pretorius, bestuurder van die embriosentrum, en regs is mnr. Daniel Mbeu. Heel links is mnr. Nelson Matele, wat die narkoseproses dophou.