Wat eet ons vanaand? Heel vis met speserybotter in ’n soutkors Soetsuur varktjops
Dis die einde van die maand, maar al is die beursies dalk dun of die ete-idees min, het ons toetskombuis ’n paar planne vir sakpas, moeitelose aandetes vir die week wat voorlê.
de ham of gebraaide spekvleis vervang.
8 groot tamaties ■ 150 g geroomde maaskaas ■ 1 blik (170 g) tuna in water, ■ gedreineer 2 eiers, geklits ■ Sap en fyngerasperde skil van ■ ’n halwe suurlemoen Sout en varsgemaalde swartpeper ■ na smaak Olyfolie ■ Vars pietersielie, fyngekap ■
Voorverhit die oond tot 190 °C. Sny die bokant van elke tamatie af en skep die pitte en vleis uit, sodat daar ’n bakkie in elke tamatie vorm. Pak die uitgeholde tamaties in ’n oondbak. Klop die geroomde maaskaas, tuna, eiers, suurlemoensap en -skil, en sout en peper goed saam. Vul die tamaties met die maaskaas-tunamengsel, geur weer met sout en peper en bedruip met olyfolie.
Bak vir ongeveer 25 minute tot die vulsel ferm is en die tamaties se skille begin verrimpel. Sprinkel pietersielie oor en sit voor met vars brood en slaai. Lewer 4 porsies. Dié manier van vis gaarmaak laat elke greintjie geur en sappigheid behoue bly.
Vis
1 heel vis van ongeveer 1,2 kg
■ (skubbe en binnegoed verwyder), teen kamertemperatuur Sout en peper na smaak ■ 80 g sagte botter ■ 5 ml paprika ■ 5 ml seekosmasala ■ Fyngerasperde skil en sap van ■ 1 suurlemoen 30 ml vars pietersielie, fyngekap ■
Soutkors
750-900 ml growwe seesout ■ 3 eierwitte, liggies geklits ■
Voorverhit die oond tot 190 °C en voer ’n oondbak waarin die vis gemaklik sal pas, met ’n vel waspapier uit. Bespuit die papier liggies met kleefwerende kossproei. Vou die vis oop en geur die binneholte liggies met sout en peper. Klop die botter, paprika, seekosmasala, suurlemoenskil en -sap en pietersielie goed saam en smeer dit egalig in die binneholte van die vis. Vou die vis toe.
Meng die sout met net genoeg van die eierwit sodat dit soos klam seesand voel, maar steeds vormbaar is. As die mengsel ’n bietjie droog is, voeg ’n paar druppels water by om dit aan te klam. Skep ’n bed van die klam seesout op die vel waspapier en sit die vis daarop neer. Bedek die bokant van die vis met die res van die klam soutmengsel. Maak seker die sout vorm ’n egalige laag om die vis en is oral ewe dik. Bak die vis vir sowat 30 minute.
Haal die vis uit die oond en laat dit vir 7-10 minute staan voor jy die harde soutkors met ’n mes of houtlepel breek en van die vis afhaal. Sit voor met slaai, aartappels, vars suurlemoen en goeie olyfolie.
Lewer 4-6 porsies. Sagte varktjops in ’n liplekker sous smaak vorentoe saam met aartappelgebak of kapokaartappels en ’n vars slaai.
4-6 varktjops ■
Sout en varsgemaalde swartpeper ■ Olie, vir braai ■
Sous
30 ml sojasous ■
1 ml droë gemmer ■
125 ml soetrissiesous ■
60 ml bruinasyn ■
60 ml blatjang ■
60 ml tamatiesous ■
250 ml water ■
Sout en varsgemaalde swartpeper ■ Fyngekapte pietersielie of tiemieblaartjies, ■ om oor te sprinkel
Geur die tjops met sout en peper en braai dit in ’n bietije olie in ’n groot pan tot bruin. Meng
al die bestanddele vir die sous saam en giet dit oor die varktjops in die pan. Verhit tot kookpunt, bedek die pan en prut oor lae hitte vir 20-30 minute (of langer, na gelang van die dikte van die tjops) tot die tjops sag en gaar en die sous effens afgekook is. Sprinkel vars pietersielie of tiemie oor en sit voor met ’n aartappelgereg van jou keuse. Lewer 4-6 porsies.
Laevet-pasta met frankfurters en sampioene
Pleks van room of ’n ryk witsous kry hierdie pastagereg ’n sous van maaskaas en eier, wat die vetinhoud aansienlik verlaag. Frankfurters gee ’n heerlike, rokerige geur aan die gereg.
1 pak (500 g) pasta van jou keuse 5 frankfurters, in ringetjies gesny 15 ml olie
15 ml botter
250 g sampioene, gesnipper
1 houer (250 g) geroomde maaskaas Sout en varsgemaalde swartpeper
■ na smaak
Sap van ’n halwe suurlemoen 2 ekstragroot eiers
80 ml parmesaankaas, fyngerasper
Kook die pasta in ’n groot kastrol vinnigkokende soutwater tot gaar, maar steeds ferm. Terwyl die pasta kook, braai die frankfurterstukkies in ’n bietjie olie in ’n pan tot goudbruin. Skep uit en hou eenkant. Smelt die botter in dieselfde pan en braai die sampioene daarin tot gaar. Voeg die sampioene by die frankfurters. Dreineer die pasta en meng dit met die sampioene en frankfurters.
Klits die maaskaas saam met sout en peper na smaak, suurlemoensap, eiers en parmesaankaas. Roer dit deur die pasta-en-frankfurtermengsel. Skep in ’n oondbak en bak vir ongeveer 30 minute tot deurwarm en goudbruin. Sit voor met ’n mengelslaai. Lewer 6 porsies.