Koolstof en water ál belangriker vir uitvoermarkte
HOEWEL die landbou kwytgeskeld is van die eerste fase van die inwerkingstelling van Suid-Afrika se koolstof belasting program, kan dit van 2023 af heeltemal anders vir boere lyk.
Mnr. David Farrell van die maatskappy Blue North Sustainability het op die Sub trop-bemarking simposium daarop gewys dat die landbou en Eskom wat tans kwytgeskeld is, van 2023 af aanspreeklik salwe es vir koolstof belasting ingevolge die Koolstof belastingwet( Wet 15 van 2019) wat in Junie in werking getree het.
Die koste van koolstof belasting vir Eskom sal waarskynlik na die verbruiker deurgegee word. Die belastingheffing wat tans baie matig is, kan opwaarts aangepas word, terwyl belastingtoelae of -kortings waarskynlik sal wegval.
Diesel, waarop daar tans 8% koolstof belasting gehef word, sal ook duurder word.
TOEGANG TOT MARKTE
Farrell het gesê Suid-Afrika se koolstof belasting moet met 1 900% tot 20 000% styg om in pas te wees met die teikens waarop in die Parys-ooreenkoms oor klimaatsverandering besluit is. Hy het gewaarsku die impak op die klimaat gaan ’n ál groter rol speel in onderhandelinge vir toegang tot internasionale markte.
Mnr. Zack Bard, voorsitter van die Wêreldavokado-organisasie, het gesê water kom al hoe meer onder die soeklig wanneer oor marktoegang gepraat word.
Só word in een episode van die Netflix-reeks Rotten, The Avocado War onthul hoe arm gemeenskappe in Chili van skaars water ontneem word om avokado’s te produseer.
Die rampokkery rondom die avokadobedryf in Mexiko, wat ook in die Rotten-reeks blootgelê word, het verder daartoe bygedra dat veral verbruikers in Europese lande die vrug in ’n ander lig sien.
“Water het die skrikbeeld van millenniërs geword en dit rig nou hul voor- en afkeure,” sê Bard.
“Die avokadobedryf sal al hoe meer aandag aan klimaatsverandering en watergebruik moet gee om sy markaandeel te beskerm. Ons kan nie bekostig om mense rede te gee om nie meer ons produk te koop nie.”
—