Africa Agri Tech word met trots moontlik gemaak deur AFGRI en Grobank.

Chris Venter, uitvoerende hoof van AFGRI Group Holdings, het sy vreugde uitgespreek oor die groep se samewerking met Africa Agri Tech 2020. “Ons glo dat tegnologie en digitalisering toenemend belangriker word. Die veranderinge wat dit meegebring het in die alledaagse lewe, in markte en produksie, is iets wat amper daagliks aangepas word. Ons voel ‘n handelskou soos hierdie wat fokus op ontwikkelinge in wetenskap en tegnologie, en waar gesprekvoering rondom dit kan plaasvind, is absoluut relevant. Ons wil nie net waarneem hoe markte ontwrig word nie, ons wil deel wees van die ontwrigting om nuwe innovasie na ons bedryf en kliënte te bring.”

“As ‘n maatskappy glo ons daarin om in nuwe en innoverende idees te belê,’ sê Jacob de Villiers, uitvoerende hoof van AFGRI Landboudienste. “Hierdie innovasies ondersteun die volhoubaarheid van ons boere-kliënte. Vir hierdie rede ondersteun ons graag die AAT-inisiatief, wat die wêreld se nuutste tegnologie na ons land toe bring.”

Volgens Grobank se uitvoerende hoof, Bennie van Rooy: “Finansiële dienste en meer spesifiek die bankwese, belê beduidende bedrae kapitaal in digitale en tegnologiese oplossings.

Die nuutste landbouverwante tegnologiese ontwikkelinge sal finansiële tegnologiese ontwikkelinge aanvul, om diensverskaffers te bemagtig om meer holistiese oplossings aan die landbousektor te bied. Grobank sien uit daarna om ‘n betekenisvolle rol in hierdie opwindende verwikkelinge te speel wat die toekoms van die landbousektor in Suid-Afrika kan vorm.”