SLAAI VIR JOU BRAAI

Hierdie vyf heerlike slaaie is maklik om te maak, vullend en propvol geur. Die perfekte bykos vir ’n somerbraai!

die groente gaar en gerooster is. Haal uit die oond en voeg die kekerertjies dadelik by die warm groente. Meng liggies en laat afkoel tot kamertemperatuur.

Skep die slaai in ’n bak. Voeg die amandels, kruisement en suurlemoensap by. Maal swartpeper oor en sit voor. Indien verkies, kan jy die slaai opdien met natuurlike jogurt waarby ’n bietjie vars kruisement, seesout en suurlemoensap geroer is. Lewer 4 groot porsies.

Aartappelslaai met mosterdslaaisous, mielies en radyse

Aartappelslaai hoef nie altyd ’n ryk mayonnaise-sous te hê nie. Hierdie een met sy romerige mosterdvinaigrette is vingerlek-lekker. 1 kg baba-aartappels, gehalveer 4 koppe mielies

4 radyse, in baie dun skyfies gesny 4 stingeluie, fyngesnipper Mosterdslaaisous

20 ml dijonmosterd

Sap van 1 suurlemoen 1 knoffelhuisie, goed fyngedruk 125 ml olyfolie

10 ml heuning

Sout en varsgemaalde swartpeper na smaak

Kook die aartappels in ’n groot pot met soutwater tot net sag, nie pap nie. Terwyl die aartappels kook, klits die bestanddele vir die slaaisous goed saam tot ’n romerige, effens verdikte sous vorm. Sodra die aartappels gaar is, dreineer goed en sit in ’n slaaibak. Voeg die mosterdslaaisous by die warm aartappels en meng goed deur. Kook (of braai) die mielies tot gaar, laat effens afkoel en sny die pitte van die stronke af. Voeg dit saam met die dungesnyde radyse en gesnipperde grasuie by die aartappels en mosterdsous. Meng liggies, geur vir oulaas na smaak met sout en peper, en sit voor. Lewer 6 porsies.

Kerrienoedelslaai met perske en komkommer

Baie van ons het grootgeword met hierdie pastaslaai. Dit is ’n staatmaker omdat die geure net lekkerder word hoe langer die slaai staan. Die resep lewer ’n groot bak slaai wat jy dae lank in die yskas kan hou. Dit smaak lekker by enigiets!

1 pak (500 g) skroefnoedels

■ 1 groot, rooi soetrissie, in klein blokkies gesny

1 groot, geel soetrissie, in klein blokkies gesny

1 groot komkommer, gehalveer, pitte uitgeskraap en in klein blokkies gesny

1 blik (440 g) ingemaakte perskeskywe, gedreineer en in klein blokkies gesny Slaaisous

125 ml kookolie

15 ml kerriepoeier

125 ml wit balsamiese asyn

125 ml tamatiesous

125 ml blatjang

Sout en varsgemaalde swartpeper na smaak

Kook die pasta in ’n kastrol met vinnig kokende soutwater (en ’n spatsel olie) tot gaar, maar steeds ferm. Terwyl die pasta

kook, verhit die kookolie vir die slaaisous in ’n kastrol tot matig warm. Voeg die kerriepoeier by en braai tot geurig. Verwyder van die hitte en laat effens afkoel voor die res van die slaaisousbestanddele bygevoeg word.

Sodra die pasta gaar is, dreineer goed en gooi die gaar pasta by die louwarm slaaisous. Laat afkoel tot kamertemperatuur.

Voeg dan die soetrissies, komkommer en perskes by. Meng deur, geur na smaak met sout en peper en bêre in ’n lugdigte houer in die yskas. Laat die slaai oornag staan voor dit voorgesit word. Die slaai bly vir 5-6 dae vars as dit lugdig in die yskas gebêre word. Lewer 8-10 porsies.

Spanspek-ennektarienslaai met feta en kruisement

1 spanspek, ontpit en in blokkies gesny 4 nektariens, ontpit en in blokkies gesny

2-3 wiele fetakaas, gekrummel

Heuning-en-kruievinaigrette

60 ml olyfolie

■

45 ml appelasyn

30 ml heuning

15 ml fyngekapte, vars kruisement 15 ml fyngekapte, vars basiliekruid

Meng die spanspek, nektariens en fetakaas in ’n mooi bak en hou koud. Meng alles vir die vinaigrette saam en verkoel tot nodig. Net voor ete, sprinkel die koue slaaisous oor die koue vrugte en sit dadelik voor. Lewer 6-8 porsies.

Tamatie-avoaspersieslaai met basielvinaigrette

Maak eers die slaaisous en laat die tamaties en avokado daarin marineer voor die slaai voorgesit word.

Basiliekruidvinaigrette

Groot hand vol vars

■ basiliekruidblare

80 ml olyfolie

60 ml wit balsamiese asyn Sout, suiker en swartpeper na smaak

500 g kersie- of romatamaties, gehalveer of in kwarte gesny 2 groot, ryp avokado’s, ontpit en in blokkies gesny

200 g aspersies, gestoom tot net-net gaar en in stukkies gesny 2 groot hande vol blaarslaai, grofgeskeur

Verwerk die bestanddele vir die slaaisous in ’n menger tot glad. Proe vir geur en voeg sout, suiker of peper by om die balans reg te kry. Giet die slaaisous oor die gesnyde tamaties en avokadoblokkies en laat vir minstens 10 minute in die slaaisous staan. Rangskik die slaaiblare en aspersies op ’n opdienbord. Skep die tamaties en avokadoblokkies (en slaaisous) net voor opdiening oor. Lewer 4 groot porsies.