Veilingsverslae

Een van die spogpryse wat vir Herefords in die tydperk vanaf 1 Junie 2018 tot einde Mei 2019 betaal is, was R160 000 vir ’n bul van die Locheim-stoetery, Moorreesburg.

Die gemiddelde prys van Herefordbulle op veilings oor die land heen sedert Mei 2019 het van R30 000 tot R35 000 gewissel.

Herefordbulle het gemiddeld R37 285 behaal op die 20ste produksieveiling van die Brahman-stoetery Osterloh naby Komga. Mnr. Justin Phillips (Hereford) was een van die genooide verkopers op dié veiling.

Op die Oos-Transvaalse ram-en-bulveiling is twee Herefords teen gemiddeld R27 500 verkoop. Die verkoper van die duurste bul (R30 000) was mnr. Heiko Köster van Vicedale-Herefords, Cullinan, en die koper mnr. Louis Hattingh van Volksrust.

’n Gemiddelde prys van R34 846 is vir bulle op die PP Mong-trust se 25ste produksieveiling op die plaas Florina, Villiersdorp, behaal. Twee bulle is teen R50 000 stuk verkoop. Die bul BMH15-34 is aan mnr. Gerhardt Botha van Elliot verkoop, terwyl BMH17-25 aan mnr. Ivor Isted van Barkly-Oos verkoop is.

Veilings wat vir 2020 onder die beskerming van die Hereford-beestelersgenootskap beoog word, is onder meer op die Vryburgskou (3 April), Braai and Novelty-veiling (29 April), PP Mong-produksieveiling (2 Junie), Ermelo (9 Julie), Kuruman

(31 Julie), Syferpan (3 Augustus), Moorreesburg (2-5 Augustus), Vryburg (10 Augustus) en die Kevlynn-produksieveiling

(15 Augustus).