’N BANK MAAK ’N PLAN
Die Land Bank hoop om voor einde Junie onderhandelinge vir ’n likiditeitslening ter waarde van R3 miljard af te handel. Die bank sê daar word terselfdertyd na ’n aanspreeklikheidsoplossing gekyk om sy finansieringsverpligtinge te herstruktureer sodat die bank dit kan nakom volgens ’n profiel wat beter by sy leningsboek pas. Dit moet onder meer insluit dat die termyn van die finansiering wat reeds betaalbaar geword het, of binne 12 maande betaalbaar word, verleng word. Die bank se direksie en die nasionale tesourie, aandeelhouer van die bank, meen die bank se kapitaalstruktuur moet versterk word om hom in staat te stel om sy voorgeskrewe ontwikkelingsrol te kan vervul. ’n Nuwe strategie vir die bank sal na verwagting einde September 2020 afgehandel wees.