1

Terwyl groot vleisverwerkers in April gewaarsku het oor dreigende vleistekorte te midde van inperkings en die sluiting van talle vleisverwerkingsaanlegte weens Covid-19, het Amerika rekordhoeveelhede vleis uitgevoer. Pres. Donald Trump het in reaksie op waarskuwings ’n bevel uitgereik dat vleisverwerkingsaanlegte moet oop bly.

Kritici van dié stap sê vrese oor vleistekorte is as verskoning gebruik om eerder eenvormige federale reëls op die vleisbedryf af te dwing as om die uiteenlopende wette en regulasies toe te pas wat in die onderskeie deelstate en metropole geld.

Van 20 Maart tot 24 April het die bedryf 77,56 miljoen kg minder bees- en varkvleis geproduseer as in die ooreenstemmende tyd die vorige jaar, maar 288,5 miljoen kg méér is uitgevoer. Teen vroeg Junie het dié syfer opgeskiet tot meer as 621 miljoen kg. – USA Today

| Groenes maak U-draai oor GM