JAGTERS: VERWARRING OOR BEWEGINGS

Teenstrydige interpretasies van die vlak 3-regulasies veroorsaak verwarring onder jagters wat nie weet of hulle veral provinsiale grense sal mag oorsteek as hulle gaan jag nie. Luidens ’n kennisgewing wat die departement van omgewingsake op versoek van die nasionale taakspan vir Covid-19 uitgereik het, sal jagters nie toegelaat word om oor distriks-, metro- of provinsiale grense te reis nie.

Mnr. Fred Camphor, uitvoerende hoof van die Suid-Afrikaanse Jagters- en Wildbewaringsvereniging, sê die probleem is dat die polisie jag as ’n ontspanningsaktiwiteit beskou en jagters dus nie wil toelaat om grense oor te steek nie.

Ingevolge vlak 3-regulasies word bestaansjag as wildbestuurdiens toegelaat. Hierdie bepaling en die interpretasie daarvan word volgens Camphor tans deur die regering bespreek.

JOHAN FOURIE skryf: Soos gewoonlik een groot deurmekaarspul! Ons jagters en hul gesinne was gelukkig om sonder probleme oor provinsiale grense te beweeg. (Ek moet byvoeg dat hulle nêrens by ’n padblokkade moes stilhou nie.) Dit maak nie sin dat jy saam met jou gesin in ’n huis mag bly, maar nie saam met hulle jagveld toe mag gaan nie. Verder, wat as pappa én mamma jagters is? Moet die kinders nou alleen by die huis bly?

HERMAN SCHEEPERS skryf:

Ons onderneem soos gewoonlik ons tradisionele jagtogte wat ons as pelle al die afgelope 25 jaar onderneem. Ek sal maar die punch vat. Ons lewens kan nie so deur ’n nuttelose regering gereël word nie.

HENDRIK MOOLMAN skryf:

Jy moet verstaan — die regering verstaan nie jag nie. HENK BOTHA skryf: O my hel, ons het al een trip in!

JOHAN SPAMER skryf: Oppas, hulle gaan nog jul wildsvleis en biltong, asook wapens en ammunisie konfiskeer. Moet niemand vertrou nie.