BOERE VERSLAE OOR BEDRYF SE 'RUGSTEKERY'
DIE Rooivleisbedryfsforum se steun vir ’n interdik teen die uitvoer van 72 000 lewende skape uit Oos-Londen na die Midde-Ooste is met groot skok en teleurstelling deur veral Oos-Kaapse produsente begroet.
Die forum, wat as respondent tot die Dierebeskermingsvereniging (DBV) se aansoek teen dié en alle toekomstige lewendehawe-uitvoer toegetree het, se regspan steun die interdik totdat bewyse voorgelê kan word dat alle aspekte van die vaart aan internasionale dieresorgvereistes voldoen.
Lede van Agri Oos-Kaap en boere in die provinsie sê inspeksieverslae van die nasionale én pro
vinsiale departement van landbou toon dat daar voldoen word aan die vereistes wat nodig is om die diere te vervoer.
Die tydelike interdik is deur die DBV teen Al Mawashi, ’n Oos-Londense lewendehawe-uitvoermaatskappy, bekom.
Al Mawashi het op 24 Junie aansoek gedoen om die interdik tersyde te stel en aan te pas. Uitspraak is voorbehou ná dié tydskrif se druktyd. Die bedryfsforum se regspan sê Al Mawashi kon geen bewyse voorlê dat daar voldoen word aan die minimum
standaarde soos vervat in riglyne van die internasionale organisasie vir dieregesondheid (OIE) nie.
TEN GUNSTE
Mnr. Koos van der Ryst, die forum-voorsitter, sê in ’n verklaring die forum en sy lede ondersteun die handel van lewende hawe en vervoer per skip, indien dit eties en sonder dieremishandeling gedoen word.
“Plaaslike wetgewing en die beginsels en riglyne soos uiteengesit deur die OIE, moet in die afwesigheid van Suid-Afrikaanse riglyne