Kry oplossings aanlyn
BioSolutions Africa Virtual, ’n handelskou wat toegespits is op bio-geïntegreerde landbou in Afrika, is nou toegankliker vir ’n breër gehoor vanweë die moontlikhede wat aanlyn konferensies bied.
AgriBusiness Global™ troef hierdie moeilike tye weens die Covid-19pandemie met BioSolutions Africa Virtual, ’n aanlyn konferensie wat van 14-16 Julie aangebied word. In 2017 het kaartjies vir dié konferensie uitverkoop.
BioSolutions Africa Virtual 2020 bied ’n oplossing-gebaseerde benadering tot plaagbestryding en plantgesondheid aan die hele waardeketting. BioSolutions Africa Virtual bied ’n platform vir die bou van verhoudings wat verder strek as die datums van die aanlyn geleentheid.
Die propvol program is toegespits op die integrasie van biologiese produkte met tradisionele insette, uitstallings, geleenthede vir belanghebbendes om betrokke te raak, en dinamiese rondetafelbesprekings.
“Tydens BioSolutions Africa Virtual gaan kundige aanbiedings van wêreldwye denkleiers gehoor kan word. Ons is opgewonde oor die verwydering van fisieke hindernisse sodat ons ’n nóg groter gemeenskap kan bereik,” sê mnr. David Frabotta, redakteur van AgriBusiness Global™ en programhoof van die geleentheid.
“Ons het die program ontwerp om meer interaktief te wees sodat ons werklike oplossings vir hedendaagse agronomiese probleme kan verken. Daarom is die model van verskeie belanghebbendes so suksesvol. Produsente, verspreiders, agente en boere kan ’n gesprek voer oor die werklike probleme waarmee hulle te kampe het sodat praktiese oplossings in werking gestel kan word,” sê Frabotta.
Die nuutste produkte en oplossings sal in die BioSolutions Africa Virtual-uitstallingsaal ten toon gestel word.
“Ons vennootskap met die Suid-Afrikaanse Bioprodukteorganisasie, met die ondersteuning van CropLife Suid-Afrika, weerspieël die eenwording van tradisionele en biologiese sektore. Nou, meer as ooit tevore, moet ons by mekaar aansluit om drastiese veranderinge te bewerkstellig en oplossings te vind om die wêreld se voedsel, voer, vesel en brandstof te produseer,” sê Frabotta.
’n Sterk vraag na verbeterde pruimkultivars beteken verskeie nuwe kultivars is die afgelope paar jaar geplant. Nie almal was ewe suksesvol nie. Dis ’n aanduiding van hoe belangrik dit is om nuwe kultivars eers deeglik te evalueer.
Sowat 15% minder pruime is vanjaar uitgevoer as wat aanvanklik verwag is. Dit word grootliks toegeskryf aan ongunstige weerstoestande wat produksie geknou het.
Verkeerde kultivars of kultivars wat nie in die regte mikroklimaat geplant is nie, blyk net so ’n groot rol te gespeel het hierin.
Mnr. Jannie Marais van The Custom Plum Company in die Paarl sê die pruimbedryf het vir lank min nuwe kultivars beskikbaar gestel. In die proses het die bedryf gekrimp, omdat verbruikers