PRUIME: MOENIE VINGERS VERBRAND MET ONGETOETSTE KULTIVARS NIE
nie gaande was oor pruime se eetgehalte nie.
The Custom Plum Company streef daarna om die jongste en beste pruimkultivars uit veral die Amerikaanse Zaiger-program na Suid-Afrika te bring.
“Ons word, ter wille van die bedryf se oorlewing, gedwing om nuwe kultivars te soek. Die oorsese supermarkte vereis dit, want hulle sien hoe die rakruimte vir steenvrugte krimp, terwyl produkte soos appels, bessies en druiwe veld wen.”
Dit is egter belangrik dat produsente nie kultivars aanplant waarvanhulleniksweetnie,sêmnr.Charl Stander, tegniese steenvrugraadgewer van Franschhoek aan Hortgro se webtuiste. “Deeglike evaluasie van kultivars is noodsaaklik.”
Marais sê dit duur sowat ’n dekade vandat ’n nuwe kultivar geidentifiseer word totdat dit aan die bedryf bekend gestel kan word.
Die plantmateriaal moet ’n tyd in kwarantyn deurbring voor dit vermeerder en eers by kwekerye en dan in semi-kommersiële blokke uitgeplant kan word.
“Eers wanneer die boompies vrugte dra, kan ons met evaluasie begin. Ons wil dit vir minstens drie jaar doen voor ons besluite neem. Van 2004 tot 2012 het ons amper 400 kultivars ingevoer, maar net vyf daarvan is op die ou einde gekommersialiseer. Ons sóék vir redes om ’n kultivar nie te plant nie.”
Dr. Iwan Labuschagne, uitvoerende hoof van Provar, sê hul statistieke wys hoe goed ’n kultivar by ’n omgewing aangepas is en tot watter mate dit wisselvallige klimaatstoestande kan weerstaan.
Produsente moet wetenskaplike en bemarkingsinligting oor kultivars, sowel as aanpasbaarheid, in gedagte hou wanneer hulle nuwe aanplantings oorweeg. Dié profiel word slegs deur evaluering geskep.
Volgens Stander sal blomtyd en windgevoeligheid ook ’n invloed op die kultivarkeuse hê.