INTERNASIONALE HANDELKAN ANDERS LYK
Die Wêreldhandelsorganisasie voorspel dat internasionale handel vanjaar vanweë die impak van Covid-19 met 13% tot 32% kan daal. Die ongunstige uitwerking hiervan kan nog baie jare voortduur – soos gebeur het ná die finansiële krisis van 2008.
Daarby het die handelsoorlog tussen Amerika en China reeds vóór die uitbreking van die virus internasionale vrye handel ontwrig. Die pandemie het die situasie bemoeilik, met lande wat allerlei nuwe invoerregulasies ingestel het om te keer dat die virus versprei.
Die vraag word nou oral gevra of die koronavirus dalk die einde van die era van globalisering en groot wêreldwye handelsooreenkomste beteken.
“Ons dink nie noodwendig dit is die einde van globalisering nie, maar Covid-19 het wel die kaarte kom deurmekaarkrap,” sê Purchase. “Dit het groot stimulus verskaf
aan die heersende neiging van lokalisering (waar voorkeur aan plaaslike handelsbelange gegee word) en daar word ook al hoe strenger proteksionistiese beleid gevorm. Ons meen lokalisering sal vorentoe ’n al groter besprekingspunt word.”
Lokalisering gaan flinke optrede van die regering vereis om te verseker dat Suid-Afrika voordelige handelsooreenkomste beklink. “Ons mededingers, soos die Suid-Amerikaanse lande, het almal vryehandelsooreenkomste met China. Suid-Afrika het nog nie vrye toegang nie. Ons benodig gekoördineerde pogings om vryehandelsooreenkomste te sluit met die markte waartoe ons nog nie toegang het nie.”
Wildenboer sê dit is belangrik vir lande in Afrika om burokratiese rompslomp en oorregulering te verminder en mettertyd heeltemal af te skaf om uitvoer aan te help. “Regerings en ontwikkelingsagentskappe moet ’n balans vind tussen beleid wat plaaslike voedselsekerheid bevorder, en om die produksie van uitvoerprodukte te verbeter sodat die bruto binnelandse produk verhoog en buitelandse geld verdien word.”
se onlangse kumulatiewe verlagings van die rentekoers met 275 basispunte die potensiaal om die landbouwaardeketting te verbeter en broodnodige verligting te bring vir landbou-ondernemings met ’n groot skuldlas.