GROTER VENNOOTSKAP TUSSEN FORMELE EN INFORMELE SEKTORE
As daar een ding is wat die inperking ons geleer het, is dat daar ’n taamlik verweefde, maar hoogs doeltreffende ketting is wat vars voedsel aan die informele sektor verskaf. Die belangrikheid hiervan word toenemend duidelik, sê Wildenboer. “In hierdie opsig raak toekomstige vennootskappe tussen formele voedselprodusente of -netwerke en die informele sektor ál noodsaakliker.”
Ons moet ook in gedagte hou hoe ingewikkeld Suid-Afrika se landbou-voedselstelsel is, en watter probleme dit vir die regering tydens die pandemie geskep het, sê
besturende direkteur van die buro vir voedsel- en landboubeleid (BFAP).
“Markte het verskillend gereageer, sommige kleinhandelverkope was groter, maar daar was informele markte waar die mark net totaal ineengestort het. Die landbou-waardeketting moes vinnig reageer toe die inperkingsregulasies hom verhinder het om optimaal te presteer.”
Die meeste van die probleme is aangepak en die regering het waarskynlik ’n beter begrip oor hoe nodig elke belanghebbende is om die ketting aan die gang te hou, sê Meyer. nou dringend nodig, nie net vir die kommersiële landbou nie, maar ook vir die voormalige tuislande waar beleggings en die ontwikkeling van ’n kommersiële landbousektor die meeste impak sal hê.”
Purchase sê die regering en die private sektor wil albei sien dat inklusiewe groei plaasvind. “Ons wil hê meer mense moet betrokke raak by die groei van die sektor en moet dus planne optrek wat die sektor se groei in sy geheel bevorder, maar wat ook heelwat meer geleenthede skep.”
In dié opsig het die pandemie dalk die deur op ’n skrefie vir die private sektor oopgemaak, sê Sihlobo. “In die verlede was dié sektor se rol minder prominent, maar die staat se benarde fiskale posisie noodsaak eksterne finansiering om ontwikkeling in die landbou te bevorder. Dit beteken dat die sektor ná Covid-19 deur baie groter en meer betekenisvolle deelname van die private sektor gekenmerk kan word.”
Maar, voeg hy by, dan moet die regering se benadering, wat tans streng op ontwikkeling klem lê, beleggersvriendeliker raak.