Skenk mielies, kry saad en ondersteun jou gemeenskap

Suid-Afrikaners is nog altyd gekenmerk deur hul bereidwilligheid om uit te reik en ander by te staan in tye van nood. Tydens die Covid-19-pandemie is dié eienskap weer op die voorgrond. Talle projekte is vanuit verskeie oorde van stapel gestuur om behoeftiges te help ná die vernietigende effek van ontwrigte ekonomiese bedrywighede vanweë die inperking.

Senwes het die AVC Food Umbrellaprojek in Mei begin na aanleiding van ’n beroep deur die landbousakekamer Agbiz om voedselsekerheid te midde van die Covid-19-pandemie landwyd te verseker.

Hierdie projek span saam met landboubesighede en belanghebbendes in die waardeketting om terug te ploeg in gemeenskappe waarin Senwes sake doen. Die projek het ten doel om vyf miljoen mense te voed en dit word gedoen deur sakkies mieliemeel van 5 kg elk uit te deel.

“’n Beroep word op produsente gedoen wat boer in gemeenskappe wat by hierdie projek sal baat vind, om ’n paar ton van hul oes aan hierdie verdienstelike saak te skenk,” sê mnr. Francois Strydom, uitvoerende hoof van die Senwes Groep.

Wanneer produsente mielies aan die AVC Food Umbrella-rekening skenk, ontvang, hanteer en berg Senwes Grainlink se silo’s die mielies. Van daar borg

Grainovation, Senwes se logistieke filiaal, die vervoer daarvan vanaf die silo na die meule.

Die meule maal en verpak die mieliemeel gratis, en dan organiseer Senwes die verspreiding van die mieliemeel na onder meer ouetehuise, voedselskemas en plaasskole.

RAAK BETROKKE

■ Boere en belangstellendes kan ’n bydrae lewer deur witmielies by enige Senwes Grainlink-silo op leweringsnommer 418688 te lewer.

■ Bydraes in die vorm van ander kommoditeite kan gelewer word deur AVC Food Umbrella se webblad te besoek en die besonderhede daar aan te teken.

■ Die rekeningbesonderhede vir kontantskenkings is: Rekeninghouer:

Bank: Rekeningnommer:

Taknaam:

Takkode:

SPESIALE AANBOD

Senwes, Bayer en Graan SA het ook kragte saamgespan om ’n verskil te probeer maak. Produsente kan een sak Dekalb-saad (van ’n kultivar van jou keuse) ontvang met komplimente van Bayer vir elke twee ton wit- of geelmielies wat op leweringsnommer 418688 geskenk word. Produsente kan soveel mielies skenk as wat hulle wil, hoewel Bayer se gratis meevaller beperk word tot hoogstens vyf sakke Dekalb-saad vir tien ton mielies gelewer per produsent.

Die aanbod eindig wanneer die limiet van 2 250 sakke bereik word of teen die verstrykingsdatum van 15 September 2020, watter een ook al eerste plaasvind.

E-pos die bewys van lewering aan die AVC Food Umbrella 418688-rekening (met vermelding van die tonnemaat) aan me. Christa Herbst by 018 464 7521, senwes.co.za, co.za

FOTO’S: SENWES Die eerste 1 600 sakkies mieliemeel word by The Church of Jesus Christ in Johannesburg afgelaai, van waar dit versprei gaan word. Dié skenking is moontlik gemaak deur ’n kontantbydrae van TWK Communications. Thuso-meule in Bothaville het die mieliemeel verskaf en Hinterland het die vervoer geborg.

Die eerste vrag witmielies wat deel is van Senwes se skenking van 100 ton aan die AVC Food Umbrella is deur Grainovation van die Senwes Grainlink-silo in Kroonstad vervoer na Premier, waar dit gemaal en verpak is. Die 4 290 sakke mieliemeel van 5 kg elk word dan van hier na Hinterland-takke vervoer, van waar dit verder versprei word.