BLOEMSKOU 2020 FINAAL AFGELAS
DIE lot van drie groot buitelugskoue is in die gedrang vanweë die voortslepende bedreiging van die Covid19pandemie in SuidAfrika. Die besluit is geneem om Bloemskou 2020 óók af te las.
Die groot skoue wat nog vanjaar kan plaasvind, is die Nampooesdag (1114 Augustus), Nampo Kaap (911 September) en die uitstallings vir Nampo Alfa, lewende hawe, jag en buitelewe (2426 September).
Graan SA se bestuur sal teen einde Junie besluit oor die Nampooesdag, met ’n besluit oor die ander twee daarna.
Me. Elmarie Prinsloo, uitvoerende hoof van Bloemskou, sê vanweë die huidige omstandighede, inperkingsregulasies en die vooruitskouing van die Covid19pandemie in SuidAfrika, is sy hartseer dat die skou afgestel word, maar dit is ’n werklikheid wat aanvaar moet word.
“Gegewe die volgehoue onsekerheid oor Covid19 blyk dit onwaarskynlik dat samekomste met meer as 100 mense nog vanjaar sal plaasvind. Volgens die huidige aanduidings gaan die voorkoms van die virus sy hoogtepunt teen September 2020 bereik. Die volgende vier maande is van deurslaggewende belang om die gesondheid van mense te verseker,” sê sy.
“Ons is vol vertroue dat alle belanghebbendes, waaronder uitstallers, kunstenaars, borge, die landbougemeenskap en lede van die publiek, begrip sal hê vir die situasie.”
Volgens Prinsloo vlot die besprekings vir die aanbied van heelwat meer nasionale kampioenskapsbyeenkomste vir Bloemskou 2021 wat vanaf sal plaasvind.