‘Neem verantwoordelikheid vir jou eie veiligheid’
DIE eerste stap om jouself en jou eiendom te beskerm is om verantwoordelikheid vir jou veiligheid te neem. Só sê dr. Jane Buys, veiligheidsrisiko-ontleder by Vrystaat Landbou.
Buys sê dit is veral belangrik dat veiligheidstoerusting soos alarms en kameras op plase benut word. Ten opsigte van vee beveel sy aan dat boere ’n veeregister moet byhou en daagliks, waar moontlik, hul vee moet tel.
“Wat hier van belang is, is die betrokkenheid van boere by veiligheidstrukture en die polisie binne
die landelike beveiligingstrategie. In baie gebiede is daar beheerkamers gevestig wat boere bedien.”
Verder is kamerastelsels en ander tegnologiese hulpmiddels ook belangrik. Verseker ook doeltreffende kommunikasienetwerke per radio en selfoon met die veiligheidstruktuur, en wees betrokke daarby, want heelwat inligting kan só ingesamel word, en dit help om die beweging van verdagte persone en voertuie te monitor.
Vrystaat Landbou en VKB bied gereeld plaasveiligheid-opleidingswerksessies vir boere aan.
“Wat verder belangrik is, is dat boere inligting oor misdade aanmeld vir verdere ondersoek deur die polisie sodat die misdade in die hof bewys kan word.”
MISDAADVLAAG
Vrystaat Landbou sê daar was gedurende Junie ses plaasaanvalle in die provinsie, waarvan twee gedurende die dag plaasgevind het en vier in die nag. Vyf van die ses aan