Laer pryse vir stapelkos dalk van korte duur
DIE daling in die kleinhandelpryse van sekere hoenderprodukte en mieliemeel in Mei is goeie nuus vir arm verbruikers.
Die buro vir voedsel- en landboubeleid (BFAP) sê arm Suid-Afrikaners bestee 25% van hul voedselbegroting aan dié twee produkte. Die buro monitor die prys van 15 tipiese produkte in arm mense se inkopiemandjies.
In sy jongste verslag oor hoe die Covid-19-pandemie dié produkpryse raak, sê BFAP die gemiddelde prys van kitsbevrore hoenderstukke in ’n 2 kg-verpakking het met byna 8% gedaal en dié van 2,5 kg mieliemeel met effens meer as 1%.
Ander produkte waarvan die gemiddelde rakprys gedaal het, is 400 g sardyne in sous (byna 3%), 400 g grondboontjiebotter (byna 3%) en 750 ml sonneblomolie (meer as 1%).
GASVRYHEIDSBEDRYF
Die navorsers sê die groot daling in die prys van kitsbevrore hoenderstukke kan toegeskryf word aan die feit dat die gasvryheidsbedryf die afgelope drie maande gesluit was.
“Met hoendervleis wat die gewildste keuse vir wegneemvleis in Suid-Afrika is, word na raming 20% van plaaslike produksie vir kitskosverbruik geproduseer.”
Dié hoendervleis is in April en Mei na die kleinhandel gekanaliseer. Na verwagting sal die neiging momentum verloor met die toenemende heropening van wegneem- en ander restaurante sedert middel Junie.
Produkte waarvan die gemiddelde rakprys gestyg het, is langlewemelk (1,9%), koekmeel (1,8%), uie (1,3%), eiers (1,2%), tamaties (1%), aartappels (0,98%) en brood (0,6%).
Die navorsers sê die styging in groentepryse is sedert 2019 ’n neiging en sal na verwagting voortduur namate verbruikers hul uitgawes op waardegoedere, soos groente, toespits. Die styging in die prys van langlewemelk is dalk omdat verbruikers tydens die inperking minder gereeld winkel toe wil gaan.
ANDER FAKTORE
Faktore wat in die volgende paar
SKYFIES EN PYNAPPELBIER
Hy het vertel hoe markagente skielik ’n algehele verlangsaming in die vraag na produkte soos aartappels, blaarslaai, murgpampoentjies en appels aan die begin van die inperking gesien het.
“Onthou, alle restaurante was tot onlangs gesluit. Selfs wegneemetes is aan die begin van die inperking nie toegelaat nie. Dit is die mense wat aartappels in groot maat gebruik om skyfies te maak. Dieselfde geld murgpampoentjies en blaarslaai.”
Eksteen skryf die aanvanklike swakker vraag na appels toe aan die skole wat gesluit was en baie leerders wat steeds nie skool toe gaan nie.
“Normaalweg is daar ’n appel in ’n kind se skooltas. Dit het nie meer gebeur nie.”
Daar was ook ander, nuwe weke voedselpryse in die kleinhandel kan raak, is brandstofpryse en die koste van verspreiding en vervaardiging.
Covid-19-gevalle kan tot onderbrekings in dele van voorsieningskettings lei.
Die navorsers sê die opwaartse druk op groentepryse, tesame met die druk op huishoudings se inkomste weens die Covid-19pandemie, kan die verskeidenheid in baie huishoudings se dieet benadeel omdat mense dikwels in sulke situasies vars produkte met goedkoper styselvoedselsoorte vervang. neigings in die vraag en aanbod op Suid-Afrika se varsproduktemarkte. Produkte soos sitrus, knoffel, gemmer en pynappels het gefloreer. Die eerste drie vir gesondheidsredes en pynappels omdat Suid-Afrikaners pynappelbier brou as hulle nie wettig drank kan koop nie.
PRYSSKUIWE
Met die prys van verskillende produkte wat in verskillende rigtings trek, het die Mededingingskommissie markagente gewaarsku dat hulle versigtig moet wees vir samespanning en prysvorming.
Grow het begin om weeklikse grafieke vir spesifieke produklyne op te stel om aan die kommissie te wys dat die vryemarkkragte optimaal funksioneer en byna onmiddellik op veranderinge in vraag en aanbod reageer.
Eksteen het hierdie grafieke op die webinaar voorgehou om te wys hoe vinnig die prys van aartappels byvoorbeeld herstel het nadat wegneem- en restaurant-etes weer toegelaat is.