| Uitvoerders wil kos toets
Brasiliaanse vleisuitvoermaatskappye stel voor dat alle vleis wat na China uitgevoer word, getoets word wanneer dit land om te bewys dat dit veilig is. Dié voorstel kom ná China vroeër vandeesmaand invoer vanuit vyf Brasiliaanse vleisaanlegte verbied het – twee varkvleisaanlegte, twee vir beesvleis en een vir hoender.
Mnr. Francisco Turra, hoof van die uitvoermaatskappy ABPA, het dié voorstel aan die land se departement van landbou gemaak en het teen druktyd op ’n antwoord gewag. Hy meen daar is geen wetenskaplike gronde vir dié soort verbod nie.
Hoewel China nie duidelikheid gegee het oor redes vir die verbod nie, sê Turra die Chinese regering se verbod was ’n poging om verbruikerskommer oor “wyd gepubliseerde” koronavirus-uitbrekings en fabrieksluitings te stil. By al die aanlegte waarvan vleis deur China verbied is, was daar koronavirusgevalle onder werkers. – Bloomberg
| Avo-boere en bure sit vas
plase aan voorheen benadeelde gemeenskappe, en die verbouing van groente en kruie. Daar sal ook verwerkingsaanlegte vir ontwatering met ses ontwateringslyne opgerig word, wat met ’n energiemengsel van elektrisiteit, warm water en stoom werk. Dit is nie bekend waar dié projek geleë sal wees nie.
WERKGELEENTHEDE
Volgens die regering se inisiatief vir volhoubare infrastruktuurprojekte sal die 54 projekte wat reeds aan hom deurgegee is, altesaam R38 miljard kos en potensieel 97 139 permanente en seisoenale werkgeleenthede skep, lui ’n verslag aan die presidensie.
Die 54 projekte bestaan uit 17 strategies geïntegreerde projekte van die Nasionale Landboubemarkingsraad, 16 van die departement van landbou, grondhervorming en landelike ontwikkeling, 15 van die presidensie se kantoor vir projekbestuur, vier van Agri SA en twee van die Suid-Afrikaanse Varkvleisprodusente-organisasie.