Cyril se plan belê groot in Oos-Kaap

VIER landbouprojekte wat deel uitmaak van pres. Cyril Ramaphosa se infrastruktuurplan wat ekonomiese herstel ná Covid-19 moet ondersteun, is gereed om vir finansiering voor te lê.

Drie van dié projekte is in die Oos-Kaap geleë, en een het reeds miljoene se belastingbetalersgeld gekry, met gemengde resultate. Volgens interne beplanningsdokumente wat Landbouweekblad bekom het, is die vier projekte wat gereed is vir finansiering as volg:

■ Die Scheepersvlakte-boerdery in die Oos-Kaap waar sitrus, avokado’s en makadamias op 516 ha verbou word, beoog kommersiële sitrusproduksie met die oog op uitvoer. Amptenare beskou die projek as gunstig omdat dit naby ondersteuningsgeriewe soos pakhuise, versappingsaanlegte en

is.

■ Ncera Macadamia Farming in die Oos-Kaap, waar die bestaande 180 ha makadamias met ’n bykomende 120 ha uitgebrei sal word. Die PE Herald het onlangs berig die plaas is in geldelike moeilikheid, en Landbouweekblad het in 2016 berig dat die 10 Ncera-plase bestuursprobleme ervaar het.

■ Tilapia Aqua-Kulcha, ’n akwakultuurprojek aan die Mbhashe-kusgebied in die OosKaap, sal gevestig word met die oog op volhoubare en omgewingsvriendelike tilapiaproduksie. Die projek sal deur die Oos-Kaapse Landelike Ontwikkelingsagentskap aangedryf word. Die grootste gedeelte van die belegging gaan vir die ontwikkeling van die infrastruktuur, soos ’n besproeiingsnetwerk vanaf

die riviere wat deur die Mbhashe-gebied loop om water aan kleinskaalse boere te voorsien, asook die lewering van voer vir die akwakultuurbedrywigheid by die kus. Daar word ook begroot vir die vestiging van versamelpunte vir boere se produkte en ’n verbeterde padnetwerk om die produkte te vervoer.

DROOGPROJEK

Die vierde landbouprojek wat gereed is, word uit die presidensie se projekbestuurskantoor gekoördineer.

Dit is ’n vertikaal geïntegreerde projek vir die ontwatering van groente en kruie. Dit bestaan uit die herkapitalisering van 1 200 ha onderbenutte landbougrond, die verhuring van dié