PERS SPATSELS IN AMERIKAANSE GROENTEMARK

Omdat dit anders as die gebruiklike lyk, sal mense dit hopelik koop. Dis waarop twee groot Amerikaanse groenteprodusente reken, wat albei gedurende die Noordelike Halfrond se somer pers kultivars op die mark gesit het.

Ocean Mist Farms in Kalifornië het pers artisjok bekend gestel, as pasmaats vir die gebruiklike kultivars wat hy reeds byna 100 jaar aan die Amerikaanse mark lewer.

Hy bemark dit ook deur sosiale media, geheel en al met twee groen en pers artisjok-strokiesprentkarakters genaamd Arti en Viola daarin, onder die vaandel “Arti’s Summer Romance”.

“Dit lyk en proe soos ’n Mediterreense ouwêreldkultivar, met sagte, vlesige blare en ’n ryk, aardse tipiese artisjoksmaak,” sê me. Diana McLean, senior bemarkingshoof van Ocean Mist Farms.

“Wanneer dit gaargemaak is, verdof die pers na groen, terwyl die water waarin dit gekook is donkerder word. “Vernuwing en nuwe produkte in die varsproduktesfeer is nodig om die aandag van ons handelsvennote en verbruikers op ons te behou.

Die kleurryke pers variasie verskaf ’n eiesoortige geleentheid vir visuele bemarkingsopsies wat die aandag na die varsgroente-afdeling in die algemeen trek, en dan spesifiek na die opsie om artisjok te koop.” McLean het aan broccoli bekend gestel as deel van sy Josie’s Organics-reeks. Dié baba-opsie strook met verbruikers se toenemende voorkeur vir kleiner, sagter groente, sê me. Kori Tuggle, ondervoorsitter van Braga Fresh se bemarkings-en-ontwikkelingsafdeling.

Dit bevat dieselfde voedingswaarde as groen kultivars.

Sy reken die kleur lok verbruikers om impulsiewe kopies te doen omdat hulle dit nog nooit voorheen gesien het nie, en omdat hulle van nuutjies hou. Dit kan ekstra kleur verleen aan onder meer slaaie.

In albei gevalle is die groentes nie die eerste pers kultivars in hul soort op die mark nie.