Nuwe platform bevorder denke, oplossings
Talle geleenthede en byeenkomste is weens die Covid-19-pandemie uitgestel of afgelas. Hierdie situasie het gelei tot die geboorte van ’n revolusionêre nuwe gespreksplatform wat deur Senwes en Agbiz aangebied word. BESPREKINGS
Die Landbouwaardeketting – Virtuele Gespreksreeks is ’n gesamentlike inisiatief tussen die landbousakekamer Agbiz en die maatskappy Senwes om gesprekke tussen belanghebbendes in die verskillende voedsel en veselwaardekettings te stimuleer en hulle ingelig te hou.
“Die doel is om eerder plaaslike produksie aan te moedig as om produkte in te voer. Dit skep weer werk, moedig beleggings aan en versterk die SuidAfrikaanse ekonomie. Dit verbeter ook die begrip van aktuele sake en stimuleer en beïnvloed dus denkprosesse,” sê mnr. Francois Strydom, voorsitter van Agbiz.
Die reeks het op 24 April begin. Sedertdien word virtuele sessies weekliks aangebied.
Verskeie paneellede neem aan besprekings deel met onderwerpe wat wissel van die vleisbedryf tot die Safexdifferensiaal. Die platform verskaf insig aan belangegroepe oor die noodsaaklike en waardevolle bydrae van die deelnemende organisasies en individue – nie slegs in die landbouwaardeketting nie, maar ook in die SuidAfrikaanse ekonomie.
Sake verander vinniger en in ’n groter mate as vantevore. Dit is dus noodsaaklik dat intydse besprekings moet plaasvind om sterk dryfkrag aan volhoubare oplossings te bied. Hierdie platform groei weekliks en die interaksie tussen die onderskeie betrokkenes toon tot dusver baie gunstige resultate.
NUWE DENKE
Die sukses lê daarin dat mense die geleentheid het om hul stories te vertel en hul mening te lug op ’n veilige platform.
Die gesprekke laat ’n mens anders dink oor hoe huidige prosesse, praktyke en prosedures werk, maar beklemtoon ook hoe belangrik dit is om vernuwend na dié benaderings te kyk.
Elf sessies is tot dusver opgeneem, met temas soos die bekendstelling van die platform, die vleisbedryf, die maalbedryf, produsente, finansiering, logistiek, die Safexdifferensiaal, voedselverskaffing en verspreiding, informele handel in SuidAfrika en beperkings op die uitbreiding van landbou wat vroue en die jeug betref.
Hierdie sessies is aanlyn beskikbaar by
Die platform sal voortgaan om menings te lug van belanghebbendes in die onderskeie skakels van die landbouwaardeketting, met die oog op die instandhouding van ’n wedersydse voordelige vloei van inligting. Op grond hiervan kan ingeligte besluite oor volhoubare oplossings geneem word.
Omset