KOSTEGIDS VIR GEWASSE

Profarmer is ’n nuwe, elektroniese platform vir gewasboere waarmee hulle landboukundige en ekonomiese besluite kan neem. Dit is beskikbaar in Afrikaans en Engels op selfone, tablette en rekenaars. Dit bestaan uit twee programme, naamlik Profarmer Landboubestuursinligting en die Profarmer-kostegids.

Eersgenoemde is ’n elektroniese databasis waarin gewasproduksie-inligting gebêre kan word. Besproeiingsgewasse wat ingesluit word, is onder meer mielies, koring, gars, grondbone, lusern en pekanneute. Droëlandgewasse, soos mielies, koring, en sonneblomme, kan ook hanteer word.

Die kostegids gee boere toegang tot gewasproduksie- en meganisasiekoste vir verskillende scenario’s en gepaardgaande vrae, soos:

■ Watter gewas is ekonomies om te plant?

■ Wanneer speel ’n gewas gelyk wat prys en opbrengs betref?

■ Wat is die insetkoste van ’n gewas?

■ Hoeveel brandstof sal verbruik word?

■ Hoeveel hektaar kan op ’n dag met ’n spesifieke werktuig bewerk word? Vasgestelde pryse van verskeie insette, soos saad, landbouchemikalieë en kunsmis, asook bygewerkte meganisasie- en brandstofkoste, word maandeliks op die platform gelaai. Boere kan hul eie plaasinligting invoer om berekeninge te maak en vergelykings te tref.

Die Profarmer-gevoeligheidsontleding dui die invloed van opbrengs en prys op die marge aan, waaronder ’n gewasbegrotingsafdeling (verwagte opbrengs en prys) en die totale produksiekoste en marge per gewas.

Tans geld ’n beperkte, spesiale aanbod waar die eerste 500 intekenare ses maande gratis toegang kry.

PRYS: R600 per jaar.