SOET BEDERF
die sponskoeklae aan te klam, maar jy kan gerus ’n blikkie koejawels gebruik.
Sponskoek
4 ekstragroot eiers
■
180 ml witsuiker 10 ml vanieljegeursel 250 ml melk
100 ml olie
500 ml koekmeel 10 ml bakpoeier ’n Knippie sout
3 ml fyn kaneel
■
■
■
■
■
■
■
■
Die tropiese geur van soet, pienk koejawels kikker selfs die vaalste winterdag op. Boonop is koejawels propvol vitamien C en die ideale wintervrug om aan weg te lê om jou immuunstelsel ’n hupstoot te gee.
Vulsel
Ongeveer 650 g ingelegde of blikkie ■ koejawels (goed gedreineer, maar behou die stroop)
60 g sagte botter
250 ml gesifte versiersuiker
1 bakkie (230 g) roomkaas
5 ml vanieljegeursel
■
■
■
■
Voorverhit die oond tot 180 °C en smeer twee koekpanne van 20 cm elk. Voer die panne met bakpapier uit en smeer weer. Sponskoek: Klits die eiers goed. Voeg die suiker eetlepel vir eetlepel by, terwyl aanhoudend geklits word, en voeg die vanieljegeursel by. Klits verder tot die mengsel liggeel is en in ’n dik lint van die klitser afloop as jy dit uit die bak oplig. Verhit die melk en olie saam tot kookpunt en verwyder van die hitte. Hou eenkant. Sif die koekmeel, bakpoeier, sout en kaneel in ’n groot mengbak. Voeg die eier-en-suikermengsel by en roer ’n paar keer voor die warm melkmengsel bygevoeg word. Meng liggies, maar deeglik tot ’n gladde beslag. Verdeel die beslag tussen die twee panne en bak vir ongeveer 25 minute tot die koeke uitgerys en deurgaar is. Haal uit die oond en laat vir 5-10 minute in die panne afkoel voor jy dit op ’n draadrak uitkeer.
Vulsel: Verpulp die gedreineerde koejawels tot ’n gladde puree en druk dit deur ’n growwe sif om van die pitjies ontslae te raak. Hou eenkant of verkoel tot benodig. Klits die botter en versiersuiker goed saam. Voeg die roomkaas by en klits tot glad. Voeg laastens die vanieljegeursel en 125 ml van die koejawelpuree by en klits goed. Stel die koek saam: Halveer elke koeklaag sodat jy vier dunner koeklae het. Sprinkel ’n bietjie van die stroop waarin die koejawels ingelê is liggies oor elke koeklaag. Laat dit goed intrek voor jy ’n dun laag van die roomkaasversiersel oor elke koeklaag smeer. Skep die res van die roomkaasversiersel in
’n spuitsak en spuit ’n ring van die versiersel op die buitenste rand van drie van die koeklae. Skep nou ’n laag van die orige koejawelpuree op die drie koeklae en smeer dit tot teenaan die kant van die gespuite rand (die rand keer dat die koejawelpuree teen die kante uitloop). Stapel die drie koeklae opmekaar en sit die laaste koeklaag bo-op. Versier met die orige roomkaasversiersel en koejawelpuree. Bêre die koek in die yskas, maar sit dit teen kamertemperatuur voor. Lewer 1 groot laagkoek (16 porsies).
Koejawelstroop
Ek maak elke winter hierdie koeldrankstroop, en gebruik letterlik net die skille wat oorgebly het van die koejawels wat vir inmaak of konfyt gebruik is. Dit wys jou wat gedoen kan word met iets wat ons gewoonlik sou weggooi! Die stroop maak heerlike koeldrank en as jy dit met sodawater en sterk, koue rooibostee meng, die beste ystee.
■
■
■
■
1 kg koejawelskille
1 liter water
250 ml witsuiker Sap van 2 suurlemoene
Verhit die koejawelskille en water tot kookpunt. Prut liggies vir ongeveer 25-30 minute. Verwyder van die hitte en laat staan vir 10-20 minute. Gooi die mengsel deur ’n sif of vergiettes wat met ’n moeseliendoek uitgevoer is. Laat die mengsel stadig deursyg. Gooi die koejawelskille weg en verhit die deurgesygde sap saam met die suiker en suurlemoensap tot die suiker goed opgelos is en die mengsel net wil begin kook. Verwyder van die hitte en gooi in gesteriliseerde bottels of flesse. Laat afkoel tot kamertemperatuur en bêre op ’n koel, droë plek. Verdun met koue water of sodawater na smaak.
Lewer ongeveer 1 liter stroop.
Koejawelkonfytstafies
Gebruik die resep vir koejawelkonfyt op bl. 74 vir hierdie stafies, maar druk die konfyt deur ’n sif om van die pitte ontslae te raak.
■
■
■
■
■
■
■
125 g sagte botter 180 ml suiker 1 ekstragroot eier
10 ml vanieljegeursel 500 ml koekmeel
10 ml bakpoeier 250 ml koejawelkonfyt