STORTVLOED VOORLEGGINGS NOOP UITSTEL VIR KOMMENTAAR
DIE datum vir die indien van kommentaar oor die wysigingswetsontwerp op onteiening moet tot einde Februarie verleng word, het die parlement se portefeuljekomitee vir openbare werke en infrastruktuur aanbeveel.
Datums vir openbare verhore moet ook aangeskuif word om nie in Februarie nie, maar in Maart plaas te vind.
Die wysigingswetsontwerp op onteiening (B23 van 2020) wat die omstandighede aandui waarin ’n hof kan bepaal dat nulvergoeding betaal mag word wanneer grond vir openbare doeleindes onteien word, is in Desember vir kommentaar gepubliseer. Die kommentaartydperk sou op 10 Februarie ten einde loop.
Die wysigingswetsontwerp sal die huidige Wet op Onteiening (Wet 63 van 1975) vervang.
Die wetsontwerp word as omstrede beskou omdat dit op dieselfde tyd deurgevoer sal word as die wysiging van artikel 25 van die Grondwet, wat die staat die mag sal gee om grond sonder vergoeding te onteien.
Me. Nola Matanisi, komiteesekretaris, sê meer as 45 000 insette is per e-pos ontvang.
Altesaam 3 955 skriftelike kommentare is voor 10 Desember 2020 per e-pos ontvang. Altesaam 3 994 is teen 29 Januarie vanjaar en 37 795 teen 1 Februarie ontvang.
Kommentaar kan ook op ’n elektroniese vorm
gelewer word. Altesaam 69 van dié vorms is voor 25 Januarie 2021 ontvang, 121 teen 29 Januarie en 216 teen 1 Februarie.
Matanisi sê die komitee het sedert die naweek van 29 Januarie tot die eerste week van Februado, rie 2021 tienduisende e-posse ontvang van organisasies soos die Suid-Afrikaanse Instituut vir Rasseverhoudings, AfriForum, Vrystaat Landbou en DearSA.
Die meeste van die e-posse vanaf hierdie organisasies spreek hul teenkanting teen die wysigingswetsontwerp uit.
TLU SA is spesifiek gekant teen nulvergoeding en stel voor dat die huidige Wet op Onteiening van krag moet bly.
VOORBEHOUDE
Die hoofpunte uit die ingediende kommentaar is as volg:
■ Algemene kommentaar rakende bekommernis oor die moontlike langtermyngevolge wat die wetsontwerp op die ekonomie van die land, voedselsekerheid, asook die landbou in besonder kan hê.
■ Algemene kommentaar wat die nodigheid van ’n gewysigde onteieningswetsontwerp, die omstandighede waarin vergoeding toegelaat word en die impak van nulvergoeding bevraagteken.
■ Daar is voorstelle dat die bestaande Wet op Onteiening (Wet 63 van 1975) van krag moet bly.
■ Sommige voorstelle meen die huidige Wet op Onteiening is ongrondwetlik en moet vervang word.
■ Voorbeelde van mislukte onteienings, veral die situasie in Zimbabwe, word gegee.
■ Korrupsie en die onwettige aanskaf van grond word genoem.
■ Kommentaar is gelewer op spesifieke definisies en klousules in die wysigingswetsontwerp, en kommer is daaroor uitgespreek. Daar is ook voorstelle vir alternatiewe formulerings of interpretasies daarvoor gedoen. Dien kommentaar in by
op die vorm by of via WhatsApp by