VOERRESEP VIR MELKBOKKE
Is daar dalk ’n goeie resep beskikbaar indien ons self voer wil meng vir ons melkbokke? ’n Resep vir onderskeidelik die laktasie- en die droë tyd sal ideaal wees.
’n Melkbok word op dieselfde beginsel as ’n melkkoei gevoer omdat albei hoogproduserende diere is. Albei diersoorte se melkproduksietyd en melkkurwe word oorhoofs bepaal deur voeding tydens die laatdragtige fase. Voeding vir die droë tyd bestaan uit twee fases, naamlik varsopdroog en opstoom.
Voer teen 1,5 kg per ooi per dag en pas die inname volgens kondisie aan.
Die ruvoer se kerflengte moet verkieslik kleiner as 10 mm wees om sortering tot ’n minimum te beperk. ’n Ooi wat in ’n swak kondisie opgedroog is, vereis ’n hoër voedingspeil in dié tyd. Pas dus die inname daarvolgens aan.
Voeding tydens hierdie fase is kritiek omdat dit inname, produksie, reproduksie en gesondheid tydens laktasie beïnvloed. Melkkoors is een van die algemeenste metaboliese probleme in die melkbedryf en kan maklik in hierdie fase voorkom word deur anioonsoute by te voer.
Hier is ’n volledige voer vir selfmeng, gegrond op ’n tweelingmelkbokooi met ’n liggaamsgewig van 50 kg.
■ 300 kg gemaalde lusernhooi (15% proteïen)
■ 100 kg gemaalde grashooi (4%+ proteïen)
■ 50 kg Voermol Maxiwolkonsentraat (V4985)
■ 50 kg Voermol Procon 33 (V12701)
■ 40 kg Voermolmelassemeel (V1995)
■ 250 kg gemaalde mielies
■ 80 kg Voermoldroëkoeiaanvulling (V14603) Voerteen2,2kgperooiperdag. 28 dae ná lamtyd. Enige verhoging in hierdie spitstyd lei tot hoër totale melkproduksie oor die laktasietyd. Die voer moet smaaklik en hoogs verteerbaar wees om inname te verbeter, en energiedig wees vir spitslaktasie.
Hier is ’n volledige voer vir selfmeng, gegrond op ’n tweelingmelkbokooi met ’n liggaamsgewig van 50 kg wat drie tot vier liter melk per dag produseer:
■ 350 kg gemaalde lusernhooi (15% proteïen)
■ 100 kg Voermol Maxiwolkonsentraat (V4985)
■ 50 kg Voermol Procon 33 (V12701)
■ 80 kg Voermolmelassemeel (V1995)
■ 400 kg gemaalde mielies
Voer teen 3 kg per ooi per dag vir die eerste 40 dae. Verlaag die inname daarna tot 2,6 kg per ooi per dag.
Vir laatlaktasie kan die vroeglaktasiemengsel verdun word:
■ 450 kg gemaalde lusernhooi (15% proteïen)
■ 100 kg Voermol Maxiwolkonsentraat (V4985)
■ 50 kg Voermol Procon 33 (V12701)
■ 80 kg Voermolmelassemeel (V1995)
■ 300 kg gemaalde mielies
Voer teen 2 kg per ooi per dag en verlaag verder soos opdroog nader kom.
Dr. Josef van Wyngaard is ’n tegniese bestuurder by Voermol.