Presisieboerdery maklik met Tal-Tec
Tal-Tec spesialiseer in die ontwerp en vervaardiging van veehanteringstoerusting vir die rooivleisbedryf.
Boere se grootste probleem tydens die weeg van diere is die akkuraatheid van die data wat ingesamel word. Met die nuwe eWeigh-stelsel word al die data vasgelê en via Bluetooth op ’n slimfoon gebêre. Nou is aantekeninge in ’n notaboek nie meer nodig nie.
Voordele van eWeigh en elektroniese identifikasie (EID) sluit in die aanteken van diere se geboortedatum en geboortegewig, hul daaglikse gewigstoename, bestuur van die medisynedosisse, liggings en bewegings.
Die aanvangskoste vir die gebruik van EID op ’n plaas was nog altyd hoog, maar danksy eWeigh is dit nou bekostigbaar.
Tal-Tec bied ’n aanvangspakket vir 50 diere (beeste of skape). Vir slegs R58 950 kan ’n boer met presisieboerdery begin. Die pakket sluit in Tal-Tec se platformskaalkombinasies, eWeigh, ’n iLivestock-toepassing, Agrident AWR300 EID Reader en 50 EID-oorplaatjies.
SPUITDIP
Tal-Tec se spuitdip is ’n vinnige en ekonomiese manier om jou skape of bokke met min moeite en arbeid met dip te behandel.
Die spuitdiptoestel kan voor enige bestaande drukgang geplaas en maklik rondgeskuif word. Die toestel werk met ’n sensor wat die dier aktiveer sodra hy in die toestel klim. Die dip word gespuit en sodra die dier weer verby die sensor loop, hou die dip op met spuit. Dit spuit dus net as daar ’n dier in die toestel is.
Die spuitdip het 14 spuitkoppe. Die boonste ses en onderste ses spuit ’n reguit straal om deur die wol tot op die vel te kom. Die ander twee spuitkoppe, een aan elke kant, spuit ’n breë straal sodat die dier se gesig en ore ook goed benat word.
Die spuitdiptoestel is beskikbaar in ’n 12 volt-batteryformaat of in ’n 230 volt-wisselstroomformaat.