Boordspuit versamel nuttige data vir boer
Volhoubaarheid in boordbestuur raak ál belangriker en dus is die vraag hoe die boord van die toekoms gaan lyk. Die werkverrigting van boordspuite, die betrokke tegnologie en die data wat die spuite versamel, moet by dié werklikhede aanpas.
Boorde word bestuur om insetkoste laer te kry, terwyl produksie-uitsette moet verhoog. Praktyke wat gevolg word, is onder meer nouer aanplantings, oplei van boomstrukture, beter snoeipraktyke en verbeterde toediening van chemikalieë.
Verskeie aspekte moet in moderne boorde aandag kry ten einde doeltreffend te bespuit. Die toediening van gewasbeskerming, soos vir die bekamping van insekte en swamme, word gereeld by die boord aangepas.
In die praktyk wil produsente vinniger ry teen laer spuitvolumes per hektaar en terselfdertyd die akkurate toediening van chemikalieë in die boomstruktuur verhoog. Die toename in spoed in ’n boord hang af van die boordoppervlak, wat die maksimum toelaatbare spoed met inagneming van ongelykheid en slote bepaal. Met die boordspoed kan die regte lugmomentum wat boomhoogte en -diepte betref, vir die spesifieke boord bepaal word. Die spuittoerusting moet doeltreffend kan aanpas sodat die regte lugmomentum en boomryvolume gehandhaaf word. Wanneer die spoed verander, moet ál die komponente in balans kan bly.
BOORDSPUIT
Rovic Leers se Rovic Evenflow® VAM®- (Variable Air Momentum) boordspuit is ontwerp om met behulp van tegnologie maklik by plaaslike omstandighede aan te pas.
Die Rovic Evenflow® VAM® kan teen ’n veranderlike spoed ry en terselfdertyd die toedieningsvolume behou wat in die regte drukreeks gekalibreer is.
Die regte waaierseleksie kan opgestel word om die lugmomentum by die spuit se vorentoe spoed aan te pas om die balans tussen die boom, snelheid en lugvolume vir goeie indringing in die boomstruktuur te verseker. Wanneer die kalibrasie
Rovic se spuitdata op ’n hoër spoed gedoen word, is dit veilig om aan die einde en begin van die boord stadiger te ry om na die volgende ry te beweeg, sonder om doeltreffendheid van toediening te verminder.
Die spuitkontrole kan opgestel word deur ’n spesifieke program vir ’n spesifieke boord in te stel op grond van boordrywydte en die liter per hektaar wat toegedien moet word. Indien boorde van verskillende rywydtes bespuit moet word, kies jy eenvoudig die program met die regte boordwydte en liter per hektaar.
TOEGANG TOT DATA
Danksy tegnologie kan die spuitdata op ’n rekenaar afgelaai en verwerk word tot eenvoudige, bruikbare inligting. Hierdie data sal aandui wat werklik tydens toediening gebeur het (sien die TABEL vir voorbeelde).
Die data wys presies hoeveel hektaar bespuit is, hoeveel liter per hektaar bespuit moes word, die liter per hektaar wat die spuit wel gespuit het, die tyd en afstand wat die spuit in die boord was, die tyd en afstand wat die spuit buite die boord gery het, en die spuit se produktiwiteit.