Omnia vat boere se hande op plaas
Grondgesondheid is die kern van volhoubaarder en doeltreffender landboumetodes. Gevolglik is Omnia se navorsing daarop gemik om boere te help om grondgesondheid beter te verstaan en te bestuur. ’n Uitvloeisel van dié navorsing is ’n nuwe biologiese biostimulant wat
’n groot impak op opbrengs en waterverbruik kan hê.
Volhoubare boerdery vereis ’n balans tussen alle produksiekomponente, onder meer chemiese en biologiese bydraes, asook ekstensiewe kennis van grondgesondheid, sê dr. Margaretha Brand, hoof van navorsing en ontwikkeling van OmniBio by Omnia Nutrilogie.
Me. Carien Grobler, bemarkingsbestuurder van Omnia, het met Brand gesels oor die impak van navorsing en spesifiek die toediening van biostimulante om volhoubare boerdery te verseker.
Brand sê die OmniBiospan doen al langer as ’n dekade intensiewe navorsing om die biologiese aspek van grondgesondheid volledig te verstaan.
“Dit is vir ons belangrik om deur middel van toegespitste navorsing die probleme op te los wat ons produsente op plase ondervind. Danksy die samewerking tussen ons landboukundiges en verkoopsagente wat elke dag op die plaas is, en ons wetenskaplikes in die laboratorium is dit vir ons moontlik om op spesifieke kwessies in die veld te reageer.”
BIOLOGIESE HUPSTOOT
Brand sê biostimulante kan die prestasie van tradisionele landboumiddels drasties verhoog. Met spesifieke verwysing na Omnia se biologiese biostimulant, Bacstim100, sê sy: “Die mikrobes in die produk is omgewingsvriendelik en kan ’n groot invloed op opbrengs, doeltreffende water en voedingstofverbruik en grondgesondheid hê.
“Biologiese biostimulante is reeds dekades lank beskikbaar, maar betroubare en herhaalbare resultate het dikwels ontbreek. Omnia het daarom besluit om eers die nodige navorsing en toetse te doen voor ons ’n produk aan die mark bekend stel.
“Hierdie produk, waarvan ’n reeks nou ontwikkel word, het reeds ’n reuseimpak.
“Verskeie voordele word ook waargeneem wat ons aanvanklik nie verwag het nie. Ek kan egter nie nou al die aap uit die mou laat nie. Getrou aan Omnia se benadering sal ons dit eers navors en wetenskaplik bewys voordat ons aansprake maak. Die vooruitsig om met Bacstim100 selfs méér
Brand sê Omnia se sakemodel is gegrond op ’n “voete op die plaas”benadering.
“Persoonlike verhoudings met ons klante is baie belangrik. Ons landboukundiges is aktief betrokke op die plaas van voor plant tot ná die oes, waarna ons saam met ons klante die volgende seisoen beplan.”
Hierdie spesialiste in die veld se noue kontak en samewerking met die OmniBiospan skep ’n waardeketting waardeur Omnia die jongste navorsing en tegnologie aan kliënte kan oordra.
“Ons weet hoe groot die impak van grondgesondheid op risikobestuur is. Daarom belowe Omnia om sy voete stewig op die plaas te hou, terwyl ons deurgaans na beter en volhoubaarder landbouoplossings soek.” inligting oor die landboukundige in jou omgewing: Me. Carien Grobler, e-pos: