Goeie landboutoestande gee Zeder ’n hupstoot
BETER landboutoestande het tot beter prestasie in ’n groot deel van Zeder Investments se portefeulje gelei.
Danksy verwagte voortgesette goeie toestande lyk die vooruitsigte vir dié maatskappy, wat in landboubesigheid belê, ook goed, het mnr. Johann le Roux, uitvoerende hoof, met die bekendmaking van die groep se resultate vir die ses maande tot einde Augustus gesê.
Die goeie toestande beteken dat daar op kort termyn ’n gunstige vraag na landbou produksiemiddele en kommoditeite sal wees. Boere kan wel onder groter druk wees weens hoër pryse vir kunsmis, brandstof en ander produksiemiddele.
Zeder se portefeulje maatskappye word nog geraak deur voortslepende c o v id-19-verwante voorsienings ketting probleme, soos hoër verskepingskoste en ’n tekort aan skeepshouers. Die bestuur pak dié probleme voorkomend aan en dit sal hopelik teen die komende tafel druif seisoen grootliks uitgestryk wees.
Nadat Zeder sy belange in Pioneer Foods en Quantum Foods verlede jaar verkoop het, het hy nou belange in The Logistics Group (TLG), Capespan, Kaap Agri, Zaad en Agrivision Africa.
SITRUS
TLG, waarin Zeder ’n belang van 98,2% het, het goed presteer met herhalende wesensverdienste van R90 miljoen – ’n styging van 186% teenoor die vorige vergelykbare tydperk – danksy hoër mynuitvoer en rekordvolume in die sitrusbedryf.
Die vorige tydperk se lae basis, weens streng covid19-maatreëls, het ook ’n rol gespeel.
TLG se nuwe Ressano Garcia-spoorweg terminaal in die suide van Mosambiek, net anderkant die Komatipoort grenspos, i sin Julie geopen en is ’n belowende nuwe ontwikkeling. Vragmotors met vrag vir die Maputo-hawe kan dit hiér aflaai, vanwaar dit per spoor na die hawe geneem word. TLG se bestuur kyk na soortgelyke ontwikkelings in ander Afrika-korridors.
Capespan, waarin Zeder ’n belang van 94,6% het, het in die verslagtydperk ’n verlies van R56 miljoen gely, vergeleke met ’n verlies van R27 miljoen in die vorige vergelykbare tydperk. Die styging was onder meer omdat daar in die vorige tydperk, weens die covid-19-pandemie, vroeër meer vrugte op die mark geplaas is. Dit het daartoe gelei dat winste vroeër as normaalweg verdien is.
Kaap Agri, waarin Zeder ’n belang van 42,3% het, het stewige resultate behaal. Vooruitsigte lyk goed danksy ’n belowende koringoes in die Swartland en gunstige toestande in die Wes-Kaap.
Die landboutoestande lyk ook goed vir Zaad, waarin Zeder ’n belang van 97% het. In die afgelope halfjaar het Zeder oorbruggingsfinansiering verskaf aan Zaad om ’n 40%-belang in die EA Seeds-groep in Kenia te verkry, die toonaangewende onafhanklike saadmaatskappy in Oos-Afrika.
Agrivision Africa, Zeder se belegging in Zambië waarin hy ’n 56%-belang het, het beter gevaar danksy beter water beskikbaarheid en opbrengs, asook aanvaarbare kommoditeitspryse.
KONTANT
Zeder se som-van-die-dele het van R4,33/aandeel tot R4,45/aandeel in die halfjaar gestyg danksy opwaartse waardasies van Kaap Agri en TLG. Die maatskappy het dividende van altesaam R90 miljoen van Kaap Agri, Capespan en TLG ontvang. In Mei 2021 het hy ’n spesiale dividend van 20c verklaar. Sy kontantbalans beloop R476 miljoen, wat hom in staat stel om sy portefeulje maatskappye byt e staan.
Le Roux kon nog nie besonderhede bekend maak oor aanbiedinge wat Zeder vir verskeie van sy beleggingsportefeulje s ontvang het nie.