Toevlugsgebiede help in die stryd teen insekplae
Die ontwikkeling van weerstand by insekplae is ’n werklikheid, maar kan met behoorlike bekamping verminder word. ’n Geïntegreerde weerstandbestuursprogram kan die insekbeskerming van Bt-tegnologie behou.
Een van die kernaspekte van ’n geïntegreerde weerstandbestuursprogram is ’n toevlugsgebied. ’n Toevlugsgebied is ’n blok of strook van dieselfde gewas wat nie die Bt-tegnologie bevat nie.
Die doel van ’n toevlugsgebied is om ’n insekbevolking wat nie aan die Bt-proteïene blootgestel is nie, te behou. Die gebrek aan blootstelling aan Bt-proteïene laat vatbare insekte in die toevlugsgebied toe om met skaars, weerstandige insekte wat uit die Bt-gewas kom, te paar. Sodoende word die vatbaarheid vir Bttegnologie oorgedra om doeltreffend te bly.
’n Toevlugsgebied word vereis vir elk van Bayer se Bt-mielieprodukte. Dieselfde standaard-toevlugsgebied werk vir alle teikenplae.
TOEVLUGSGEBIEDE
■ Twee opsies is beskikbaar: ’n 5%-toevlug wat nie vir die teikenplae bespuit mag word nie, of ’n 20%-toevlug wat wel vir die teikenplae bespuit mag word.
■ Die toevlugkultivar moet van dieselfde planttipe en groeitydperk as die Bt-kultivar wees om onderskeid te voorkom. ■ Toevlugsgebiede moet nie verder as 800 m van mekaar af wees nie.
■ Plant toevlugsgebiede aan die buitekant van die landerye met stroke van ’n minimum van ses rye wyd. ■ Die omsoom van landerye word toegelaat, maar die Bten die nie-Bt-rye mag mekaar nie kruis of meng nie. ■ Plant die gestruktureerde toevlugsgebied op dieselfde tyd as die Bt-tegnologieë om te verseker dat ontwikkeling soortgelyk is tussen verskillende produkte.
■ Maak saadbakke skoon tussen nie-Bt-saad en Bt-saad. Saadmaatskappye moet geintegreerde assesserings oor weerstandbestuur gedurende die groeiseisoen uitvoer om te verseker dit voldoen aan die vereistes van die permitvoorwaardes. Doen jou deel om te verseker dat hierdie tegnologieë behoue bly deur jou volle samewerking te gee wat insekweerstandbestuur betref. Die volgehoue beskikbaarheid van Bt-tegnologie hang af van die nakoming van registrasie-vereistes soos uiteengesit deur die permitvoorwaardes.
Met ’n doeltreffende, geïntegreerde weerstandbestuursprogram in werking, sal boere die voordele geniet van doeltreffende en deurlopende insekbeskerming en verbeterde opbrengspotensiaal.
PLAE WAT NIE BEKAMP WORD NIE
Spesifieke Bt-mielieprodukte bied beskerming teen verskeie van die vernaamste Lepidoptera-insekplae, soos die stronkboorder en herfskommandowurm, maar sal nie alle insekplae by mielies bekamp nie. Daarom is dit belangrik om te besef dat bykomende bekampingsmaatreëls nodig kan wees waar daar ernstige besmetting van die teiken- of nie-teiken-insekte is.
Lande moet gereeld ondersoek word, veral gedurende tydperke van ernstige en volgehoue besmetting. Die boer moet op die geïntegreerde plaagbekampingsriglyne let om insekte te identifiseer wat gereeld gemonitor moet word, asook wat die voorgestelde bekampingstrategieë is.
RIGLYNE VIR GEBRUIK VAN INSEKDODERS
■ Kies die korrekte verkenningstegnieke en behandeling.
■ Kies insekdoders wat die kleinste nadelige impak op voordelige insekte sal hê. Hierdie insekte kan bydra tot geïntegreerde plaagbestryding.
■ Wissel insekdoders met verskillende metodes van werking af om die risiko dat plae chemiese weerstand opbou, te verminder.
■ Kies basters wat goed by jou omgewing aangepas is. Gee deeglike aandag aan die impak wat gewasgroeistadiums en oestyd op die graad van insekbesmetting het. ■ Gebruik voorgestelde bewerkingspraktyke om te voorkom dat plae oorwinter. Vernietig die gewas direk ná oestyd.
Indien die mieliestronkboorder (Busseola fusca) se voedingskade by YieldGard®-mielies die 10%-drempel gedurende die groeiseisoen oorskry, moet boere dit by hul saadverkoopsverteenwoordiger aanmeld en Bayer se navraagproses oor produkprestasie volg.
Indien voedingskade van die miliestronkboorder of herfskommandowurm (Spodoptera
frugiperda) by YieldGard® Maize 2-mielies waargeneem word, moet dit ook so gou moontlik by die saadverkoopsverteenwoordiger en Bayer aangemeld word.
Die registrasie-eienaar van YieldGard® en YieldGard® Maize 2 is Bayer AG, Duitsland. NAVRAE: Web: www.cropscience. bayer.africa/za/en-za.html