Maak ’n yskastert

Yskasterte bly gewild by boerekosliefhebbers. Net betyds vir die somer is hier ses maklike en heerlike koel terte uit ons toetskombuis.

staan vir 5 minute. Smelt die gelatienmengsel in die mikrogolf – wees versigtig om dit nie te laat kook nie, smelt dit net tot glad en helder. Roer die gesmelte gelatien by die maaskaasmengsel in. Roer laastens die Amarula-likeur by. Giet die vulsel in die voorbereide pan, bedek met kleefplastiek en verkoel oornag.

Maak die klamp los en trek die kleefplastiek versigtig af. Sit die koek net so voor, of rond af met ’n laag effens versoete geklopte room en skyfies piesang, indien verkies. Lewer 10-12 porsies.

PYNAPPELTERT

Hierdie maklike tert het ons baie geëet toe ek ’n kind was. Pleks van ingedampte melk soos in die oorspronklike resep, gebruik ek room. Dit maak die vulsel effens stewiger en ryker. 1 blik (480 g) fyn pynappel 1 pakkie (80 g) pynappeljellie

■

250 ml room

■

1 pakkie (200 g) Tennisbeskuitjies

of ander klapperkoekies Plaas ’n sif oor ’n kastrol en gooi die inhoud van die blik pynappel daarin uit. Laat die stroop in die kastrol uitloop en druk die pynappel met die agterkant van ’n houtlepel om al die stroop daaruit te kry. Skep die pynappel in ’n mengbak en hou eenkant. Verhit die stroop tot kookpunt. Verwyder die kastrol van die hitte en voeg die jelliepoeier by die kokende stroop. Roer tot die jellie heeltemal opgelos is. Voeg dit by die fyn pynappel in die mengbak. Laat die mengsel afkoel tot kamertemperatuur, maar nog nie gestol nie. Klits die room styf en vou dit versigtig by die pynappelmengsel in.

Pak ’n laag Tennisbeskuitjies in ’n tertbord van 20 cm x 20 cm. Skep ’n laag van die pynappelmengsel oor, gevolg deur nog ’n laag Tennisbeskuitjies. Herhaal die lae nog een keer en eindig met ’n laag pynappelvulsel. Krummel ’n Tennisbeskuitjie of twee fyn bo-oor. Bedek en verkoel oornag. Lewer 8 porsies.

ITALIAANSE KOFFIETERT

Ek het hierdie tert afgelei van die Italiaanse nagereg tiramisu. Pleks van ’n veerligte, geklopte mengsel van eiergele en mascarpone kry dié tert ’n romerige vulsel van maaskaas en room tussen lae koffiedeurdrenkte koekies. 310 ml vuurwarm, sterk swart koffie

125 ml suiker

60 ml koffielikeur

1 bakkie (230 g) geroomde

■ maaskaas

250 ml room

■

30 ml versiersuiker

80 ml vanieljegeurkitspoedingpoeier

10 ml vanieljegeursel 2 pakkies vingerbeskuitjies (Boudoir)

45 ml kakao Meng die koffie en suiker in ’n bak en roer goed tot al die suiker opgelos is. Voeg die koffielikeur by en laat afkoel tot kamertemperatuur.

Klits die geroomde maaskaas, room, versiersuiker, kitspoedingpoeier en vanieljegeursel saam vir ongeveer 3 minute, tot die mengsel begin verdik. Verkoel vir 20 minute.

Bespuit ’n tertbak van 24 cm x 30 cm met kleefwerende kossproei. Giet die koffiestroop in ’n vlak bak. Doop ’n paar vingerbeskuitjies op ’n slag vir ’n paar tellings in die koffiestroop, haal uit en pak ’n soliede laag daarvan in die bak. Skep ’n laag van die roomvulsel oor, sif ’n dun lagie kakao oor en bedek met nog ’n laag koekies wat vinnig in die koffiestroop gedoop is. Herhaal die lae tot alles gebruik is. Sif ’n lagie kakao bo-oor, bedek en verkoel oornag. Sit voor met koffie as nagereg. Lewer 10-12 porsies.

DADEL-EN-VLATERT

Kors 1 pakkie (200 g) sjokoladekoekies, fyngekrummel 100 ml gesmelte botter 3 ml fyn kaneel

Eerste laag

250 g dadels, fyngekap 60 g botter

340 ml water

125 ml strooisuiker 15 ml suurlemoensap

Tweede laag

375 ml klapper

■

500 ml melk

■

250 ml witsuiker 30 ml vlapoeier

Kors: Meng al die bestanddele goed saam en druk dit op die boom en teen die kante van ’n losboomtertbord van ongeveer 22 cm vas. Verkoel tot benodig.

Eerste laag: Verhit al die bestanddele in ’n kastrol en roer aanhoudend tot dit kookpunt bereik. Prut oor lae hitte, terwyl steeds geroer word, tot ’n gladde, dik mengsel. Laat afkoel tot kamertemperatuur en skep in die voorbereide krummelkors. Smeer gelyk.

Tweede laag: Verhit al die bestanddele vir die tweede laag, behalwe die vlapoeier, tot kookpunt. Maak ’n pasta van die vlapoeier en ’n bietjie koue water of melk en voeg dit by die warm mengsel. Verhit tot kookpunt en prut, terwyl geroer word, tot verdik. Laat effens afkoel, skep die klappervlamengsel op die dadellaag en verkoel tot benodig. Lewer 10-12 porsies.

LAGIESMELKTERT MET ROOIBOS EN KLAPPER

1 pakkie (200 g) Tennisbeskuitjies of ander klapperkoekies

60 ml gesmelte botter 100 ml fyn klapper

1 liter melk 3 rooibosteesakkies 250 ml suiker

100 ml mielieblom

30 ml vlapoeier 2 ekstragroot eiers, geklits 5 ml vanieljegeursel Verwerk die koekies in ’n voedselverwerker tot fyn krummels. Skep 250 ml daarvan uit in ’n mengbak en voeg die gesmelte botter by. Meng tot klam krummels vorm en druk die krummelkors op die boom van ’n gesmeerde losboomkoekpan van 20 cm vas. Gooi die res van die koekiekrummels in ’n mengbak en hou eenkant. Verhit die klapper in ’n skoon kastrol of pan oor lae hitte, terwyl aanhoudend geroer word, tot die klapper liggoudbruin is. Verwyder van die hitte en skep die klapper dadelik uit die warm pan by die koekiekrummels in die mengbak. Roer deur en hou eenkant.

Verhit 750 ml van die melk saam met die teesakkies stadig oor lae hitte tot die melk net kookpunt bereik. Verwyder van die hitte en laat staan vir 5 minute, sodat die tee die melk goed kan geur. Skep die teesakkies uit en gooi weg. Voeg die suiker by die warm melkmengsel en roer tot opgelos. Meng die orige 250 ml melk met die mielieblom, vlapoeier en geklitste eiers tot glad en sonder klonte. Voeg dit by die warm rooibosmelk in die kastrol en sit die kastrol terug op die stoofplaat. Verhit stadig oor lae hitte, terwyl aanhoudend geroer word, tot kookpunt. Prut die rooibosmelkpap oor lae hitte vir 2 minute, terwyl aanhoudend geroer word. Verwyder van die hitte en roer die vanieljegeursel by.

Skep ’n laag van die rooibosmelkpap op die beskuitjiekors en smeer gelyk. Sprinkel ’n dun laag van die klapper-en-koekiekrummelmengsel egalig oor, gevolg deur nog ’n laag rooibosmelkpap. Herhaal die lae en eindig met ’n laag van die krummelmengsel. Laat staan tot die tert kamertemperatuur bereik, bedek en verkoel oornag. Sit koud voor met tee.

Lewer 10 porsies.

’N VOORSMAKIE UIT BOEREKOS 19

Oor ’n paar weke is ons someruitgawe van Boerekos uiteindelik beskikbaar. Hier is solank ’n voorsmakie van die heerlike, koel somerresepte. Die resep vir hierdie fluweelgladde sjokoladeyskastert is van die kosskrywer en televisieaanbieder Marinda Engelbrecht.

SJOKOLADEMOUSSEKAASKOEK

Hierdie kaaskoek is uit nood gebore. Onverwagte gaste was op pad en ek moes iets maak met dit wat in die huis was. 1 pakkie (200 g) Oreos 60 ml gesmelte botter

■

250 ml room

■

160 ml strooisuiker 5 ml vanieljegeursel

■

250 g roomkaas

■

250 g mascarpone

■ 60 ml kakao, gesif

1 plak (100 g) Lindtmelksjokolade

30 ml melk

■

5 ml gelatienpoeier,

■ opgelos in 20 ml water Flakesjokolade, bessies of ander versiering Pols die koekies in ’n voedselverwerker fyn en meng die gesmelte botter met die koekiekrummels. Smeer ’n losboompan en druk die koekiemengsel op die boom van die pan vas. Verkoel in die yskas.

Klits die room saam met 100 ml van die strooisuiker en die vanieljegeursel tot sagte punte vorm en hou eenkant.

Gebruik ’n aparte bak en klits die roomkaas, mascarpone, gesifte kakao en orige 60 ml strooisuiker saam tot sag en goed gemeng. Smelt die sjokolade in die melk in die mikrogolfoond en roer dit by die roomkaasmengsel. Meng die opgeloste gelatien by. Vou nou die geklitste roommengsel by die roomkaasmengsel in. Skep dit op die kors en sit vir minstens 4 uur in die yskas. Haal die koek uit die losboompan en versier dit met Flakesjokoladekrummels, bessies of wat ook al in jou huis is. Lewer 6-8 porsies.