Kultivars geskik vir die boer se behoeftes
Capstone Seeds se mieliebasters is wyd aangepas en het uitstekende kultivareienskappe wat in enige boer se behoeftes sal voorsien.
Capstone Seeds is al langer as 25 jaar betrokke in die saad- en landboubedryf in Suid-Afrika. Dié ervaring slaan deur in die navorsing, ontwikkel, produksie en bemarking van sy saad deur sy bekwame personeel wat menige boer breed laat glimlag.
In sy arsenaal produkte is ’n wye reeks geel- en witmieliebasters wat wyd aangepas is en uitstekende kultivareienskappe het. Capstone Seeds se saadteelprogram is gegrond op klimaatsverandering, die omgewing en die boer.
“Elke boer se behoeftes verskil. Daarom is ons basters uit verskillende ouerlyne en het dus unieke agronomiese eienskappe,” sê mnr. Roelf van Niekerk, verkoopsbestuurder vir agronomiese gewasse by Capstone Seeds.
“Vir ons gaan dit daaroor om in die boer se spesifieke behoeftes te voorsien deur die regte kultivar aan te beveel. ’n Boer het dalk ’n probleem met ’n blaarsiekte. Dan beveel ons vir hom ’n kultivar aan met ’n verdraagsaam e hei d teen dié spesifieke siekte.
“Vir ander boere is meerkoppigheid weer belangrik, veral in die westelike produksiegebiede waar boere geneig is om ’n heelwat laer plantestand te gebruik. Dit teenoor die oostelike hoe potensiaal-mielie produksiegebiede waarbo ere teen baie hoër plantstande aanplant en hulle meer na enkelkoppigheid kyk.”
Die omgewing speel ook ’n rol in die sade wat Capstone Seeds beskikbaar stel.
“Ons het hoëpotensiaal-kultivars wat geteel is vir hoëpotensiaal-opbrengste, wat natuurlik gepaard gaan met hoëpotensiaal-grond en -toestande.”
Met klimaatsverandering in gedagte het hy ook kultivars wat geteel is vir marginale toestande en dus meer hitte- en droogtebestand is.
INSYSTAL
Twee van Capstone Seeds se konvensionele kultivars is CAP 122-60 en CAP 9-522. Albei is in die mediumgroeiklas en beskik oor baie sterk meerkoppigheid. Dié kultivars presteer uitstekend teen ’n lae plantestand in die weste, asook hoër stande wat op die oostelike Hoëveld gebruik word.
Dit is veral CAP 122-60 wat uitstaan in die Capstone Seedsstal.
“Ek beskryf hom as ons vlagskipkultivar, omdat hy een van die kultivars is met die hoogste opbrengs potensiaal.
“Dit is ook baie wyd aangepas en vaar goed in die oostelike én die westelike produserende gebiede; op droë land, onder besproeiing en selfs vir kuilvoer,” sê Van Niekerk.
Capstone Seeds het twee geneties gemodifiseerde kultivars, naamlik CAP 9-262RRBT, wat die stapelgeen bevat, en CAP 9-262RR. Albei hierdie kultivars is in die vinnige groeiklas en is fisiologies ryp vanaf 90 tot 115 dae ná aanplanting.
Dié kultivars word veral aanbeveel onder besproeiing reg oor Suid-Afrika, en moet teen ’n plantestand van 80 000 plante per hektaar en hoër aangeplant word. Dit kan egter ook in die hoër reënval gebiede van KwaZulu-Natal en die oostelike Hoëveld geplant word, waar hoër stande aanbeveel word
Ook met sy spesialis-kuilvoermielie basters staan Capstone See ds nie terug nie en is daar al kuilvoer opbrengste van meer as 100 ton per hektaar behaal.
“CAP 9001 is baie blaarryk met ’n goeie graan-tot-blaarverhouding,” sê Van Niekerk.
“Hy groei so hoog as 4 m, het’ n hoë opbrengs potensiaal, goeie staanvermoë en stadige afdroging, wat ideaal is vir kuilvoer.”
Capstone See ds se bemarking s netwerk strek landwyd.
Kontak die maatskappy vir die korrekte aanbevelings vir jou spesifieke behoeftes. Jy kan verseker wees van vinnige en goeie diens.