Boersaamvirjoutoekoms
Jy het dalk gesien dat Pannar ’n effense, maar betekenisvolle, verandering aan sy slagspreuk gemaak het van ‘Saam boer ons vir die toekoms’ na ‘Saam boer ons vir jou toekoms’. Dit is ’n bewys van Pannar se klem op die boer se sukses en om volhoubaarheid te verbeter.
Boere is ’ n uiters waardevolle bate en speel ’ n noodsaaklike rol in die welvaart van die land. Wanneer ’n mens aansit vir ’n heerlike ete, is dit maklik om die rol wat hulle in jou lewe speel, raak te sien, maar by nadere ondersoek verskaf boere meer as net voedsel.
Die lewe en lewenskragtigheid van Suid-Afrika se landelike gebiede is nou gekoppel aan die teenwoordigheid van die boerderybedryf. Dit neem duisende mense in diens wat in landelike gebiede woon en verskaf aan hulle ’n inkomste.
Boerdery het ’n opbouende uitwerking op landelike ekonomieë, aangesien dit sterk gekoppel is aan vervaardiging, plaaslike nywerhede, verskeie dienste, toerisme en handel.
Daarby beïnvloed die landbou die land se ekonomie op ’n breë grondslag. Dit beskerm voedselsekerheid, versterk die nasionale ekonomie en het ’n gunstige uitwerking op onderwys, opleiding en die ontwikkeling van entrepreneurspotensiaal. Dit verskaf ook regstreeks en onregstreeks werk aan ’n groot deel van die bevolking.
Op hierdie maniere dra boerdery uiteindelik by tot die stabiliteit en volhoubaarheid van landelike gebiede en dorpe.
ONDERSTEUNING
Pannar erken dat die mededingende en dinamiese boerderybedryf groei en ondersteuning vereis – stroomopwaarts, asook -afwaarts.
Boerdery vereis produksiemiddels in die vorm van saad, kunsmis, landbouchemikalieë, veevoer, landboumasjinerie en meer, wat lei tot baie van hierdie bedrywe se afhanklikheid van die boerderybedryf vir hul voortbestaan.
Stroomafwaarts lewer boerdery opbrengste wat as voedselprodukte en nie- voedselprodukte verwerk word. Die voedselketting self is beduidend en strek van verwerking tot voedselverspreiding, voedselkleinhandel en voedseldienste, en verskaf weer werk aan miljoene individue.
Die nie-voedselsektor dek vesel, boumateriaal, tekstielprodukte, houtprodukte, papier en grondstowwe afkomstig van produkte wat op die plaas geproduseer is. Dit word gebruik in feitlik elke produk wat vandag vervaardig word.
Boerder yprodukte wat stroomafwaarts verwerk word, kan verpakking, vervoer, handel en meer insluit. Hernubare energieproduksie word tans ook ál belangriker.
Hoewel die landbou se bydrae tot die bruto binnelandse produk (BBP) ongeveer 2,5% is, is die waardeketting wat met die boerderybedryf verbind word, baie groot. Dit lewer ’n groot bydrae tot Suid-Afrika se welvaart. As ’n bedryf genereer dit voortdurend nuwe welvaart omdat boere oor die vaardighede en wetenskap beskik om die grond te bewerk en gewasse te produseer deur lug, water, grond en sonskyn te benut en dit in kommoditeite te omskep.
Dit is alles die boer se verantwoordelikheid.
Hy moet geesdrif, toewyding, deursettingsvermoë, veerkragtigheid en harde werk aan die dag lê – ongeag wat die natuur en die lewe na sy kant toe gooi. Hy bewerk met trots die grond, kweek gewasse en maak vee groot om werk en kos vir miljoene mense te verskaf. Op enige gegewe dag is hy meer as net ’n boer. Hy is ook ’n veearts, plantkundige, werktuigkundige, rekenmeester, bemarkingskenner en hoë-inset-risikobestuurder – om nie eens te praat van gesinsman en vriend nie. Hy is ’n gerespekteerde sakeman en gewaardeerde individu in sy gemeenskap wat die omgewing liefdevol vir toekomstige geslagte bewaar.
Daarom is die mense van Pannar onwrikbaar in hul toewyding aan die boer.
“Saam boer ons vir jou toekoms.”