Wekjoueie kragnóúop
Sonkragstelsels wêreldwyd bewys dat dit ’n volhoubare oplossing op lang termyn is wat alle finansiële instellings ondersteun as dit reg ontwerp is.
Dit is alombekend dat die sukkelende nasionale elektrisiteitsnetwerk vir talle boere en ondernemings ’n struikelblok is. Voeg daarby die stygende koste van elektrisiteit, en die alternatiewe opwekking en opberging van elektrisiteit word ’n noodsaaklikheid pleks van ’n luukse artikel.
Om die regte vennoot te kies om hierdie pad te stap, is uiters belangrik as jy die beste diens, gehalte-infrastruktuur en opbrengs op jou belegging wil kry.
Tagex Energy is ’n Suid-Afrikaanse sonkrag-, opbergingsen energiemaatskappy wat oplossings vir sonkragstelsels en opbergingsenergie invoer, ontwerp en oprig vir ’n verskeidenheid markte – van die landbou tot die kleinhandel en groot nywerhede.
Dié maatskappy meen die toekoms van die kragleweringsbedryf is ’n vaartbelynde, geïntegreerde benadering. Dit dui op die verkryging van Vlak 1-produkte soos gegradeer deur Bloomberg Nuwe Energie Finansies ( BNEF) regstreeks vanaf die vervaardigingsbron en pakhuise, die finansiële modellering, oprigting, instandhouding en bestuur van die sonkragbate op lang termyn.
Dit is dus ’n ten volle geïntegreerde model.
SOMME MOET KLOP
’ n Gebied waaraan baie oorweging geskenk word as deel van Tagex Energy se ontwerpargitektuur is om te verseker dat die kliënt nie oorkapitaliseer op sy belegging nie. Tagex Energy neem daarmee ’n aantal faktore in ag, soos plaaslike of munisipale regulasies en die opberging van oortollige elektrisiteit.
Baie klem en tyd word bestee om die balans tussen die kapitaalkoste en besparings reg te kry om te verseker dat daar geen negatiewe kontantvloei is nie. In gevalle waar terugvoer toegelaat word, word die modelle gunstiger.
Finansiële instellings speel ’n beduidende rol in kragopwekking deur klein belanghebbendes. Dit maak dit moontlik om dié kragoplossing op plase, besighede en op residensiële vlak toe te pas.
Ook hier is Tagex Energy toonaangewend deur as ’ n voorrangvennoot gelys te wees by die meeste van die voorste handelsbanke in Suid-Afrika.
Sonkrag en -opberging wat in ’n mate gegrond is op die vervaardigerswaarborg, lewensverwagting van die tegnologie en gunstige bankaanbiedings maak voorsiening vir ’n wen-wen-benadering op grond van die verrekening van terugbetalings teen besparings. Dit is in die meeste gevalle betekenisvol as jy die verhoging van die elektrisiteitskoste oor die volgende 25 jaar in ag neem.
BESTE OPLOSSINGS
Tagex Energy bied verskillende kragopwekking- en opbergingoplossings, en gee ook advies oor beste praktyke en finansiële haalbaarheid. Die maatskappy se oplossings is:
KOMMERSIËLE EN NYWERHEIDSNETWERKGEKOPPELDE SONKRAGSTELSELS. Dié soort stelsel sinchroniseer met die nasionale netwerk. Dit is om die verbruik van elektrisiteit van die netwerk af te verminder.
HIBRIEDE KOMMERSIËLE EN NYWERHEIDSONKRAGOPBERGINGSTELSELS.
Met hierdie stelsel word verskeie bronne van energie gekombineer om krag aan die kliënt op die kostedoeltreffendste manier te voorsien. Bepalende faktore is die kliënt se behoeftes en beskikbare bronne.
HIBRIEDE RESIDENSIËLE SONKRAGOPBERGINGSTELSELS.
Deur die gebruik van ’n geïntegreerde stelsel wat wisselrigters, sonpanele en kragopwekkers insluit, kan huiseienaars ontwrigting deur beurtkrag, afhanklikheid van die nasionale netwerk en verhogings in elektrisiteitspryse verminder.
EEN KONTAKPUNT
Met die maatskappy se wye verskeidenheid dienste en geintegreerde stelsels, kry verbruikers ’n enkele kontakpunt vir al hul energiebehoeftes. Die oplossings wat Tagex Energy verskaf, is van die hoogste internasionale standaarde. Die maatskappy se kundige tegnici is met die hand uitgesoek vir hul uitsonderlike vermoë om in elke kliënt se behoefte te voorsien.
Tagex Energy se uitgebreide platforms en benadering tot projekte, bouwerk, finansiering en ontwikkeling verseker die perfekte oplossings vir die landbou, kommersiële aanlegte, die kleinhandel en nywerhede.