AFGRIfokus opdieboer
Met ’n ryke geskiedenis van 99 jaar is dit ’n voorreg vir AFGRI om steeds die boer en sy landboubesigheid eerste te stel. Met sy kerndienste en produkte is hy ’n vennoot vir die boer.
Die landboumaatskappy AF GRI streef na deurlopende vooruitgang en om sy visie as volhoubare en strategiese vennoot in landboubesigheid uit te leef.
“AFGRI het homself gevestig as een van die voorste landboubesighede in Suid-Afrika en in geselekteerde internasionale markte wat ’n verskeidenheid produkte en dienste aan die landbousektor bied, met die boer as kernvennoot.
“AFGRI het oor die jare verskillende produkte ontwikkel wat vandag in kernbesigheidseenhede gehuisves word,” sê mnr. Norman Celliers, uitvoerende hoof van die AFGRIgroep.
MEGANISASIE
AFGRI Equipment is die grootste John Deere-agentskap buite die grense van Noord-Amerika. Dit sluit in ’n leidende posisie in Suid-Afrika met 23 takke, en in Wes-Australië is daar 19 strategiese takke.
AFGRI Equipment is die verskaffer van pasgemaakte meganisasietoerusting en bied ondersteuning met mobiele dienste en instandhoudingswerkswinkels om moeitevrye bestuur van die landbouvloot te verseker.
Landwye werkswinkels word deur gekwalifiseerde, John Deere-geakkrediteerde personeel beman.
GRAANDIENSTE
AFGRI is ’n leier op die gebied van die hantering en opberging van mielies, koring, sonneblom, sojabone en sorghum. AFGRI Graanbestuur bied veilige opberging van graan in ’n infrastruktuurnetwerk met ’n opbergingskapasiteit van meer as 5 miljoen ton. Wêreldklastegnologie in voorraadbestuur en verwante dienste posisioneer AFGRI as ’n deskundige in graanbestuur.
VEEVOERPRODUKTE
AFGRI Veevoere speel ’ n noodsaaklike rol in die voedselketting deur onverwerkte materiale van hoë gehalte te verwerk tot gebalanseerde voere vir uitstekende veeproduksie. Dit is een van Suid Afrika se toonaangewende veevoerprodusente en het strategies geleë meulens en silo’s reg oor die land om produkte vir die optimale prestasie van diere maklik bekombaar te maak.
Met behulp van sy ervare personeel, keurprodukte, advies en dienslewering onderneem AFGRI Veevoere om tegniese kundigheid aan boere te bied, toenemende produksiebehoeftes te vervul, en ’n positiewe bydrae tot voedselopbrengs en voedselsekerheid te maak.
AFGRI Veevoere vervaardig ’n omvattende reeks voere waarvan herkouer-, pluimveeen varkvoere die kern van die besigheid vorm.
OPLEIDING
Lemang Agricultural Services bied aan boere en ondernemings ’ n verskeidenheid opleidings- en ontwikkelingskeuses, met die doel om nuwe-era-boere te ondersteun op ’n manier wat verseker dat hulle onafhanklik en ekonomies suksesvol is.
AFGRI verstaan wat dit verg om ’n suksesvolle boer te wees. Dit is om hierdie rede dat hy sy nuwe-era boere-inisiatief in 2012 van stapel gestuur het, nou bekend as Lemang Agricultural Services.
MEULENS
AFGRI Milling verwerk mielies en koring tot bestandeel vir die industriële voedselmark. As markleier sluit hy ’n vennootskap met verwerkers om slegs die beste unieke bestandele te vervaardig deur innoverend na pasmaak-oplossings te soek. Alle geriewe is toegerus met hoogs tegnologies ontwikkelde toerusting en voldoen aan die hoogste voedsel- en veiligheidstandaarde.
As leier in die bedryf werk hy in vennootskap saam met sy kliënte om unieke oplossings te bied.
FINANSIERING
AFGRI wil die landbousektor ondersteun deur pasgemaakte huurkoopfinansiering in vennootskappe met boere en ander boerderyverwante kliënte, hoofsaaklik in Suid-Afrika.
VERSEKERING
UNIGRO Insurance Brokers het diepgaande kennis van en ondervinding in alle aspekte van korttermyn- en lewensversekering. Dit stel die maatskappy in staat om kliënte te help om potensiële risiko’s te identifiseer en pasgemaakte oplossings te verskaf om daardie risiko’s te versag.
INSETTE EN HANDEL
AFGRI se doel is om te sorg vir die boere wat vir Suid-Afrika en sy mense sorg. Deur aan sy kliënte kundige advies, betroubare handelsmerke en gehalteprodukte teen die beste pryse te bied, kan boere aangaan met die moeilike taak om die land te help floreer.
AFGRI Retail het ’n voetspoor van 33 winkels en 28 vulstasies reg oor Gauteng, KwaZulu-Natal, Mpumalanga en die Oos-Vrystaat, en help ook met sy kliënte se boerderybehoeftes. Dit sluit in alle insetprodukte soos saad en kunsmis, asook plaagbestryding. Die res van die uitgebreide behoeftes sluit produkreekse in wat AFGRI Retail deurlopend voorsien.
NAMPO
AFGRI nooi boere uit om hom tydens die Nampo-oesdag by standplaas E29 te besoek waar sy kundige personeel met goeie raad en diens sal regstaan. Kom deel gerus julle landboubehoeftes met ons.
“Deurlopende interaksie tussen AFGRI-personeel en sy vennote is waardevol om seker te maak die maatskappy bedien sy kliënte optimaal,” sê Celliers.