Bekostigbarewindmasjien beskermgewasseteenryp
Die Tow and Blow-windmasjien is die eerste werklik verskuifbare windmasjien, en is deur Nieu-Seelandse kenners ontwikkel. Dit is nou in Suid-Afrika beskikbaar.
Nuwe tegnologie word deur die Tow and Blow bekend gestel om die ondoeltreffendheid en probleme wat met tradisionele windmasjiene vereenselwig word, vir verskeie toepassings op te los.
Van die toepassings is by grondgewas- rypbeskerming, soos bloubessies, by boomgewasse en by wingerdgewasse.
Die Tow and Blow-waaier bied ’n bekostigbare en doeltreffende oplossing om ryp te bestry. Die eiesoortige ontwerp van hierdie waaier en omhulsel bied beskerming vir alle gewasse wat op plat grond, in valleie of op heuwels verbou word.
Die vermoë om die waaierrotor te kantel en die waaierkop vir hierdie toepassings te ossilleer, sorg vir buitengewone veelsydigheid, wat die masjien van tradisionele waaiers onderskei.
VINNIG VERSKUIF
Die masjien, wat maklik agter ’n voertuig vervoer word, kan vinnig verskuif word. Dit het intrekbare stabiliseerderpote wat na ’n veilige en gelyke posisie laat sak word voordat die waaier opgelig word om die ryp te bestry.
BEKOSTIGBAAR
As ’n mens na die prys kyk, besef jy hierdie windmasjien verseker bekostigbare rypbeskerming. Met die Tow and Blow-masjien kan jy kies om die toring 360 grade te laat draai, of om die toringrotasiegrade vooraf in te stel om teen enige hoek van jou keuse te draai.
Met die rotasiespoed wat ook verstelbaar is, verseker dit dat jy die beskerming slegs op die verlangde deel rig, omgeag watter vorm jou terrein het. Tow and Blow vereis geen betonfondamente, boupermit of toestemming nie, is ongelooflik stil en die lae brandstofverbruik verseker min uitlaatgasse.
GOEIE EIENSKAPPE
Alle dieselmodelle kom met ’n ratkas wat gebruik maak van Brevini Planetary-rotasieratte met Centa Soft-koppeling (albei Italiaans vervaardig), en het ’n LeHane- sentrifugale koppelaar (Australies vervaardig). Alle masjiene word voorsien van ’n weerbestande enjin en ratkasdeksel.
Die kontroles inkorporeer Amerikaans vervaardigde Murphy-komponente. Vanweë die ekstra wringkrag van die dieselenjin kan die 5-lem-waaier tot 35 grade gedraai word en sodoende lugsnelheid vanaf die waaier verhoog. Alle masjiene het ’n verlengbare trekstang, en het drie verskillende balkhoogte-instellings sodat dit op laer hoogtes kan werk.
BRANDSTOFVERBRUIK
As gevolg van die stabiliteit van dieselbrandstof kan deursigtige brandstoftenks gebruik word. Dit maak dit moontlik om die brandstofvlak vanaf grondvlak te sien. Masjiene kan bestel word met ’n lang brandstoflyn wat deur ’n glyring loop om verbinding met eksterne grootmaat-brandstoftoevoer moontlik te maak (dit kom toegerus met ’n pomp).
Dit word op bestelling gemaak teen ’n ekstra koste. Alle masjiene is toegerus met verdampingsverkoelingskomponente. ’n Beskermingsgebied van tot 7 hektaar kan in normale uitstralingsryp verwag word.
Die regte posisionering is nodig om saam met die plaaslike koue lugdrywing te werk.
As die masjien in volle rotasiemodule werk, kan beskerming van tot 200 m aan elke kant van die waaier verwag word, 80 m wat inkyk na die koue lugdrywing, en 400 m stroomaf van die waaier.