Songebakte soetgoed
Suikersoet rosyne kan vir soveel meer as Kersgebak gebruik word. Span dit in om enigiets, van vleisgeregte tot teetyd-eetgoed, ekstra-lekker te maak.
word. Jy kan die flesse elke week omdraai om seker te maak die rosyne masereer eweredig. Lewer 2 groot flesse.
RUM-EN-ROSYNTJIEROOMYS
■4 ekstragroot eiergele
■60 ml gouestroop of esdoringstroop ( maple syrup)
■60 ml suiker
■10 ml vanieljegeursel 375 ml melk
■375 ml room
■250 ml skeepsjongens in stroop (sien resep hiernaas)
Klits die eiergele, stroop, suiker en vanieljegeursel goed saam. Voeg 125 ml van die melk by en klits tot glad. Verhit die orige 250 ml melk en die room saam tot net onder kookpunt. Voeg van die warm mengsel by die eiergeelmengsel, roer tot glad en giet alles terug in die kastrol. Verhit, terwyl jy aanhoudend roer, tot die vla dik genoeg is om die agterkant van ’n lepel te bedek. Giet in ’n skoon bak en laat afkoel tot kamertemperatuur. Verkoel dan verder tot yskoud.
Karring die mengsel in ’n roomysmaker tot half-gevries en voeg die skeepsjongens by. Karring verder tot die roomys gevries is. Skep in ’n geskikte bak, bedek lugdig en vries tot benodig. As jy nie ’n roomysmaker het nie, vries die bedekte bak met die vlamengsel tot half-gevries. Haal uit die vrieskas, voeg die skeepsjongens by en klop goed met ’n houtlepel. Smeer gelyk, bedek weer en vries. Lewer ongeveer 1 liter roomys.
GEVULDE VARKLIES MET MUSKADEL
Soet smake pas baie goed by varkvleis, daarom het ek rosyne as vulsel vir hierdie varklies ingespan. Sit dit voor met gebakte patats en groen groente of slaai. ■1 ontbeende, oopgevlekte varklies van sowat
■1,3 kg Sout en varsgemaalde swartpeper ■125 ml vleisaftreksel
■250 ml water
■125 ml muskadel
Rosyntjievulsel
■500 ml vars broodkrummels
■125 ml gekapte neute (soos haselneute of amandels)
■30 ml gekapte, vars pietersielie
■5 ml gekapte, vars tiemie
■250 ml pitlose rosyne Sout en varsgemaalde swartpeper na smaak
■60 g baie sagte botter
■1 eier
Voorverhit die oond tot 200 °C. Sny die vel van die varklies af en laat lê die vleis met die vetkant na onder op ’n werkoppervlak. Geur die vleis goed met sout en peper. Meng die aftreksel, water en muskadel saam en giet dit in ’n oondbak. Sit ’n draadrakkie in die oondbak waarop die vleis neergesit kan word sodat dit nie in die vloeistof lê nie. Meng al die bestanddele vir die vulsel goed saam en skep dit op die vleis. Druk dit met jou hande op die vleis vas. Rol nou die vleis op en bind dit stewig met kombuistou vas. Geur ook buite-om goed met sout en peper. Sit die vleisrol op die draadrakkie.
Oondrooster die vleis vir 20 minute. Verlaag die oondtemperatuur tot 160 °C en bak vir ’n verdere 1½-2 uur of tot die vleis gaar is. Skep nou en dan van die pansouse oor die vetlaag van die vleis (die suiker in die muskadel sal die buitekant heerlik laat karamelliseer in die oond). Laat rus die vleis vir 10 minute voor jy dit sny.
Lewer 6-8 porsies.
GEMMERBIER
Enigiemand wat grootgeword het met egte, outydse gemmerbier sal van hierdie resep hou. Onthou net dat gemmerbier “uitsit”. Moet dus nie die bottels se proppe styf vasdraai nie – die gas moet kan ontsnap.
■12 leë bottels van sowat
■750 ml elk
■9 liter water
■1,3 kg suiker
■40 ml fyn gemmer
■5 ml kitsgis
■1 pakkie (15 g) kremetart Sowat 36 rosyne 2 suurlemoene, gehalveer
Meng alles behalwe die suurlemoene in ’n groot nie-metaalhouer. Druk die suurlemoene uit en voeg die sap by. Bedek die houer met ’n skoon lap en laat staan op ’n koel plek vir sowat 24 uur. Teen dié tyd behoort die rosyntjies bo-op die gemmerbier te dryf. Skep die rosyntjies af en sit 2-3 in elke bottel. Vul die bottels met gemmerbier, draai die proppe losweg op en verkoel. Lewer 9 liter gemmerbier.
KANEELROLLETJIES MET ROSYNE
Deeg
5 x 250 ml koekmeel 1 pakkie (10 g) kitsgis
5 ml sout
250 ml warm volroommelk 125 ml suiker
80 g botter
3 ekstragroot eiers, geklits 310 ml pitlose rosyne
Versiersel
375 ml versiersuiker, gesif 60 g sagte botter
100 ml roomkaas, teen kamertemperatuur Skeut melk Fyngerasperde skil van 1 lemoen of 3 ml fyn kaneel
Deeg: Meng die meel, gis en sout in ’n groot bak. Meng die warm melk, suiker en botter in ’n aparte bak en roer tot die suiker opgelos en die botter gesmelt is. Voeg die geklitste eiers by en meng goed. Voeg by die droë bestanddele en maak aan tot ’n deeg vorm. (As die deeg baie pap is, meng ’n lepel meel op ’n slag by tot die deeg sy vorm hou – dit moet egter nie ’n stywe deeg wees nie.) Knie die deeg vir 10 minute. Bedek die bak met ’n skoon lap en laat rys tot die deeg in volume verdubbel het. Hou in gedagte dat botter-en-eierverrykte deeg stadiger as ander brooddeeg rys, moet dus nie die proses aanjaag nie. Voeg nou die rosyne by en knie die deeg af vir 2-3 minute. Druk die deeg in ’n reghoekige vorm op ’n meelbestrooide werkoppervlak plat.
Klop die bestanddele vir die vulsel saam en smeer dit egalig oor die deeg. Rol die deeg in die lengte op, soos ’n konfytrol, en sny in wiele van ongeveer 2 cm dik. Voer ’n koekpan of oondbak met bakpapier uit en bespuit goed met kleefwerende kossproei. Pak die deegwiele losweg teen mekaar in die pan of bak. Bedek weer en laat rys die deeg tot die pan vol gerys is.
Voorverhit die oond tot 180 °C. Bak die rolletjies vir sowat 30 minute tot uitgerys, goudbruin en deurgaar. Versiersel: Verroom die versiersuiker en botter saam. Voeg die roomkaas by en klits tot glad. Voeg net genoeg melk by om ’n dik, smeerbare versiersel te maak. Voeg die lemoenskil of kaneel by en hou eenkant.
Haal die rolletjies uit die oond en laat vir 15 minute afkoel voor jy die versiersel oor die louwarm rolletjies smeer. Laat staan vir 15 minute en sit louwarm voor. Lewer ongeveer 10 rolletjies.