VRYSKUT-PADBOUERS
Boere en plaaswerkers verbonde aan die Mooiveld-boerevereniging van Wesselsbron het van 2-5 Mei self herstelwerk aan die R505- en R59-pad gedoen. Boere het op eie koste en met hul eie toerusting gruis aangery. Mnr. Jakkals le Roux, lid van die boerevereniging, sê hulle vra al sedert April 2021 net vir die nodige teer om dié paaie te herstel. “Ons kon egter nie langer wag nie, want dit is strooptyd en ons produkte moet vervoer word.” Ertsvragmotors rig groot skade aan die paaie aan, en daar is feitlik geen instandhouding van die staat nie. Die boere wag ook tevergeefs vir ’n ontmoeting met die Vrystaatse premier.
MIELIE-NEMESIS
Mato Grosso, Brasilië se grootste safrinha- (die tweede aanplanting van die seisoen) mielieproduksiestreek, het sy droogste April in 17 jaar agter die rug met gemiddeld 30 mm reën wat geval het — 70% minder as die tienjaargemiddelde. Dié deelstaat lewer saam met Goiás en Minas Gerais nagenoeg 60% van die safrinha-mielie-oes, en met die naderende hoogtepunt van die mielies se vogbehoefte het tot 40% van die aanplantings teen vroeg Mei reeds tekens van droogtestremming getoon. Grain
Central berig die moeson het twee weke vroeër as gewoonlik opgehou, en die naderende rypseisoen kan aanplantings verder knou. Dié terugslag kom te midde van ’n groter vraag na Suid-Amerikaanse mielies weens die Russiese inval van Oekraïne.
HAWENOOD
Hume International, ’n verspreider van bevrore voedsel, het ’n beroep op die regering gedoen om ’n “noodtoestand-konsessie” vir die Gqeberha-hawe uit te reik en om rompslomp uit te skakel wat die doeltreffende beweging van voedsel en ander goedere na die res van Suid-Afrika verhinder.
berig dié beroep kom ná die uitkringeffek van die vertragings by die Durbanhawe wat deur verlede maand se vloede meegebring is. Mnr. Roy Thomas, bedryfsdirekteur van Hume, sê omdat Gqeberha ’n sekondêre hawe is, is daar heelwat minder kapasiteit en minder inspekteurs om byvoorbeeld veeartsenykundige dokumentasie te verwerk, en slegs ’n paar vraghouers word per dag uitgepak. Die groep het verlede jaar
JAGVERBOD LOL
Die jag van olifante, swartrenosters en luiperds in Suid-Afrika is voorlopig van die baan ná die Wes-Kaapse hooggeregshof ’n interdik toegestaan het teen die uitreiking van jagpermitte vir olifante, swartrenosters en luiperds. Die aansoek is gebring deur die Afrika-tak van Humane Society International, wat aangevoer het daar was nie geleentheid vir oorlegpleging voordat me. Barbara Creecy, minister van omgewingsake, bosbou en visserye, haar jagkwotas vir die jaar in die Staatskoerant afgekondig het nie. Beroepsjagorganisasies was teen druktyd besig om regsadvies in te win oor wat om volgende te doen, aangesien heelwat olifante reeds met wettige permitte gejag is en dit onbekend is of die jagters permitte sal kry om hul trofeë uit te voer.
DIE WIEL DRAAI
Twee medewerkers van die omstrede Gupta-broers het op 10 Mei in die hof verskyn in verband met beweerde grootskaalse bedrog by die Estina-melkmaatskappy op Vrede, waar miljoene rande verduister is. Volgens die Nasionale Vervolgingsgesag was die verklaarde waarde van meer as R37,7 miljoen vir ’n “nuwe pasteurisasie-aanleg” vermoedelik buitensporig hoog, en die faktuur het gekom van ’n maatskappy wat bande met die Guptas het. Mnre. Kamal Vasram, ’n voormalige direkteur van Estina, en Salieh Indurjeeth verskyn weer op 30 Junie in die Pretoria-streekhof.