Nuwe tegnologie by basters vir beter insekbekamping
Pannar Saad stel mieliebasters met PowerCore™-tegnologie bekend. Dit is ’n nuwe oplossing vir mielieboere in Suid-Afrika om insekte suksesvol te bestry.
Hierdie seisoen stel Pannar Saad met trots twee nuwe geelmieliebasters met die PowerCoreTM-tegnologie bekend: PAN 3P-900PW en PAN 5P-902PW. PowerCore™-tegnologie is ’n hoëprestasie-, insekbestande saadeienskap wat mielies doeltreffend beskerm teen vernietigende bogrondse Lepidoptera-plae, soos die mieliestronkboorder (Busseola fusca) en Chilo-boorder (Chilo partellus).
Hierdie plae kan aansienlike oesskade en daaropvolgende produksieverliese veroorsaak.
Die PowerCore™-tegnologie bestaan uit drie verskillende Bacillus thuringiensis - (Bt) proteïene wat elk die insekte verskillend aanval en baie daartoe bydra om die gebruiksduur van die tegnologie te verleng.
Die PowerCore™-tegnologie verleen ook onkruiddoderweerstand teen glifosaatonkruiddoders.
Hierdie uitsonderlike eienskaptegnologie,
wat goeie insekbeskerming met groter opbrengspotensiaal kombineer, is nou in Pannar se portefeulje van hoëopbrengs- genetiese materiaal beskikbaar.
“Pannar is trots om boere ’n alternatiewe beskermingsmeganisme teen die stronkboorder te bied. Boere kan nou die Bt-eienskap-tegnologie kies wat die beste by hul plase pas.
“Die doeltreffendheid van PowerCore™-tegnologie is nie net in plaaslike proewe gedemonstreer nie, maar het ook ’n bewese rekord in Brasilië en Argentinië onder soortgelyke klimaatstoestande, waar dit sedert 2012 suksesvol gebruik word.
“Ons is opgewonde oor hierdie nuwe tegnologie in ons verskillende genetiese platforms en om PAN 3P-900PW en PAN 5P-902PW hierdie seisoen bekend te stel,” sê mnr. Nick Goble, besigheidsbestuurder van Pannar Saad.
Mielies in Afrika word deur baie Lepidoptera-plae aangeval. Dié plae veroorsaak erge skade en oesverliese wissel na gelang van die tyd en vlak van stamboorderbesmetting.
INSEKSPEKTRUM
Die mieliestronkboorder is die skadelikste stamboorder by mielies in Suid-Afrika en kom voor op hoogtes wat wissel van seevlak tot 2 000 m bo seevlak. Dit is wydverspreid reg oor die Suid-Afrikaanse mielieproduksiegebiede.
Die Chilo-stronkboorder is ’n ernstige plaag by mielies, manna en sorghum. Die Chilostamboorderruspes beskadig hierdie gewasse deur in die plantstingel in te boor of tonnels te maak.
NUWE GEELMIELIEBASTERS
Pannar se formidabele geelmieliepakket van verskillende groeiklasse en geneties gemanipuleerde basters bied ’n goeie langtermynstrategie om risiko te verskans.
PAN 3P-900PW
Die nuwe PAN 3P-900PW is ’n ultravinnige geelbaster, gebaseer op die PAN 3R-500R- genetiese materiaal en is geskik vir die hoëpotensiaal-droëlandproduksiegebiede (oostelike produksiegebiede wat die oostelike Hoëveld en KwaZulu-Natal insluit), asook onder hoë-inset-besproeiing en ’n dubbeloes-produksiestel
sel (hoë-opbrengsmikpunt, watertoediening en bestuursinset). Dit beskik oor ’n hoë opbrengspotensiaal en is vir al die produksiestreke onder besproeiing aangepas. Dit versterk Pannar se uitstekende ultravinnige geelbasterpakket. PAN 3P-900PW het ’n aantreklike planttipe met regop blare, goeie staanvermoë, lae kopplasing en graan van goeie gehalte.
PAN 5P-902PW
As ’n nuwe toevoeging tot die medium-vinnige groeiklas is PAN 5P-902PW ’n baster met lae kopplasing, goeie stamsterkte en staanvermoë. Dit presteer goed oor ’n wye reeks opbrengspotensiaalvlakke en plantdigthede. PAN 5P-902PW word saam met PAN 4A-128 en
PAN 5A-182 in ’n pakket aanbeveel vir die oostelike Hoëveld en KwaZulu-Natal. Dit lewer uitstekende graangehalte met goeie skepelmassa.
Die bestuur van moontlike insekweerstandigheid teen die Bt-geen is wetlik verpligtend. Die aanplant van ’n toevlugsoord volgens vereistes is nodig indien enige basters met stronkboorder-beskermingsgene gebruik word, aangedui deur die letters B, BR, YHR of PW in Pannar se saadprodukkode.
RENTMEESTERSKAP
Rentmeesterskap is ’n lewensiklusbenadering tot produkbestuur. Dit is die verantwoordelike manier om tegnologieë en plantprodukte te bestuur, van hul ontdekking en ontwikkeling
PAN 5P-902PW word aanbeveel vir die oostelike hoëpotensiaalproduksiegebiede saam met die basterreekse PAN 4A-128 en PAN 5A-182.
tot hul gebruik en die uiteindelike opskorting daarvan. Corteva Agriscience is daartoe verbind om nuwe tegnologieë op ’n verantwoordelike manier na die mark te bring en bevorder verantwoordelike insekweerstandsbestuur, onkruiddoderweerstandsbestuur en graanbemarkingsbesluite om volgehoue gewasopsies te verseker.
REGISTRASIEBESONDERHEDE PowerCore™-multi-eienskaptegnologie is ontwikkel deur Corteva Agriscience en Monsanto. PowerCore™ is ’n handelsmerk van Monsanto Technology LLC.
is handelsmerke en diensmerke van Corteva Agriscience en sy geaffilieerde maatskappye.
2022 Corteva