HET JY GEHOOR?
‘Vir die res van 2022 en 2023 gaan pryse hoog bly.’
DR. WERNER ROSSOUW, direkteur van Silostrat, oor die vooruitsigte vir reeds hoë landboukommoditeitspryse. Bl. 15
‘Dit is ironies dat die een wat die piramide dra, die weerloosste en armste is.’
MNR. MELVYN ABRAHAMS, projekbestuurder van die Pietermaritzburg-groep vir geregtigheid en waardigheid, oor hoe swaar plaaswerkers trek onder hoë kospryse. Bl. 18
‘Dink net wat ’n mens met R70 miljoen kon gedoen het. Dit kon vir uitbreiding en werkskepping gebruik word.’
MNR. CHRIS SCHUTTE, uitvoerende hoof van Astral Foods, oor die bedrag wat die maatskappy aan kragopwekking bestee weens beurtkrag. Bl. 22
‘Dit is teenstrydig dat munisipale waterdienste bly agteruitgaan, hoewel ons hierdie baie beduidende toewysings maak.’
MNR. SENZO MCHUNU, minister van water en sanitasie, oor die swak toestand van munisipale waterdienste ondanks reusebedrae vir infrastruktuur wat oor die komende drie jaar R37,4 miljard behels. Bl. 24