BELOWENDE TEKENS VIR DIFFERENSIAAL
Die tegniese werkgroep wat ’n nuwe model vir die liggingsdifferensiaal bestudeer, sê hy “het nog nie ’n rede gekry vir hoekom dit nie kan werk nie”, volgens mnr. Derek Mathews, voorsitter van Graan SA en lid van dié werkgroep. Graan SA het vroeër vanjaar aangekondig die JSE heroorweeg die liggingsdifferensiaal vir graan.
’n Nuwe model wat aanvanklik op sojabone gegrond word, bereken die liggingsdifferensiaal met liniêre programmering deur produksie-inligting en ’n driejaargemiddelde in ag te neem. Vir die stelsel om in 2024 in werking te tree, moet die JSE sy besluit teen Desember vanjaar neem. Lees meer by bit.ly/3MprQl7.