’n Vars blik vorentoe
Die covid-19-pandemie gooi steeds sy skaduwee op die manier hoe mense produseer, versprei en verbruik. In ’n internasionale verslag word die belangrikste neigings uitgelig wat tans die botoon voer in die vrugte- en groentebedryf, en hoe besighede volhoubaar kan bly in dié moeilike tye.
Die Fruit Logistica-neigingsverslag het die tien belangrikste neigings geïdentifiseer wat in die volgende twaalf maande bepalend gaan wees in die varsproduktebedryf. Vanjaar se neigings kan breedweg in drie kategorieë geplaas word: kleinhandel, gesondheid en tegnologie. Die ontwikkelinge is opwindend en interessant, met die oog daarop om beter in verbruikers se behoeftes te voorsien deur goeie dienslewering en uitstekende kultivars, terwyl die omgewingsimpak terselfdertyd in toom gehou word.
VOLHOUBAARHEID
Dít is die invloedrykste neiging van 2022 met verreikende gevolge vir elke liewe deel van die groente- en vrugtebedryf, luidens die verslag. “Dit sal ononderhandelbaar wees,” meen een van die neigingskenners.
Beleggings in volhoubaarheid moet dus voorrang geniet onder boere om die impak en doeltreffendheid van energieverbruik, verpakking en vervoer te verbeter.
Ook kleinhandelaar sis ernstig oor dié vereiste, want vanweë die onvoorspelbaarheid van weerpatrone het dit moeiliker as ooit geraak om produkte in die hande te kry. Daar is pogings om produkte nader aan die huis te verkry, maar om aanpasbaar te wees, moet produkte van elders ook verkrygbaar wees.
Die internasionale maatskappy Danone het onderneem om sy kweek huisgas vrystelling steen 2030 te halveer, en hy gaan dit deels regkry deur meer vrugte plaaslik (waar dit verbruik word) aan te koop.
Verpakking gaan boere voor taai besluite te staan bring, want dit lyk of plastiek se dae getel is. Frankryk het reeds ’n stokkie gesteek voor plastiek verpakking vir onverwerkte vrugte en groente van minder as 1,5 kg. En in Switserland het die supermarkgroep Lidl geld gegee vir navorsing oor eetbare bedekkings, gemaak uit fyngemaakte vrugte- en groenteskille, wat kan help om piesangs en komkommers langer vars te hou sonder plastiek omhulsels. Alternatiewe, b i o-af breekbare verpakkings moet egter dieselfde voordele kan waarborg as plastiek, wat ’n belangrike bydrae lewer om voedsel vermorsing te voorkom.
Aangesien die helfte van generasie Z glo tevrede i sommeer geld te bestee by volhoubaarheid s bewuste klein handelaars, ontstaan’ n groter behoefte aan data gedrewe standaarde. “Nuwe, betroubare stelsels is nodig sodat mense ingeligte besluite kan neem oor hul aankope. Gevolglik sal goed georganiseerde verskaffers wat hul bedrywighede kan uitbou en deurlopende beskikbaarheid reg deur die jaar kan bied, ’n voordeel in die mark geniet,” lui die verslag.
ENERGIE-OPWEKKING
’n Skerp toename in energiepryse en die gevolglike styging in inflasie (hoër produksiekoste en verbruikerspryse) sal in die volgende twaalf maande belangrike faktore vir elke besigheid in die varsproduktebedryf wees. Die oorlog in Oekraïne gooi boonop net petrol op die vuur, met sanksies teen Rusland wat energie- en kunsmiskoste tot ongekende vlakke sal dryf. Brittanje en Amerika het byvoorbeeld in Desember 2021 die hoogste inflasie in onderskeidelik 30 jaar en 40 jaar beleef – alles aangevuur deur hoër energiekoste. Kenners is dit eens dat die huidige inflasionêre skok langer sal duur as wat mense dink. Vervoerkoste gaan