Opleiding van gehalte danksy jare se ervaring
Lemang Agricultural Services, ’n filiaal van AFGRI, bied boere en maatskappye ’n verskeidenheid opleidings- en ontwikkelingskeuses, met die doel om nuwe-era-boere te ondersteun op ’n manier wat verseker dat hulle lewensvatbaar, onafhanklik en ekonomies su
Lemang Agricultural Services se benadering steun op byna ’n eeu se ondervinding in die landbou ter ondersteuning van volgehoue voedselsekerheid, voorspoed en volhoubaarheid reg oor Suid-Afrika. Lemang ontsluit die potensiaal van nuwe-eraboere en hul grond deur opleiding, mentorskap, tegniese bystand, die verhoging van landbouproduktiwiteit en toegang tot markte.
As deel van sy opleidingsen -ontwikkelingsprogramme aan nuwe-era-boere gebruik Lemang Agricultural Services sy studiegroepe en proefpersele om die jongste tegnologie, soos presisieboerdery, te demonstreer. Mentors en landboukundiges is byderhand om praktiese inligting en kennis oor te dra en insig te bied wat spruit uit baie jare se ervaring.
Lemang Agricultural Services se klem op mentorskap is waarskynlik die waardevolste komponent en is die geheim van sy sukses.
Deur deurlopend met nuweera-boere te werk, is mentors in staat om boere by te staan om opbrengste te verbeter.
Verder is graanbemarking en prysverskansing ook ’n integrale deel van enige suksesvolle graanboerdery.
Die maatskappy staan nuweera-boere by deur AFGRI se graanbestuursdiens. Boere word geleer om die basiese beginsels van die termynmark te verstaan. Boere word ook in basiese sakevaardighede opgelei.
Laastens gebruik Lemang boeredae om boere opleiding oor finansiering en blootstelling aan die jongste tegnologie en beste boerderypraktyke te gee.
AFGRI het ’n ryke geskiedenis met die aanbieding van hierdie geleenthede om voorheen benadeelde nuwe boere en klein verskaffers te ontwikkel om volwaardige deelnemers aan die kommersiële landbouwaardeketting te word.
As deel van AFGRI Landboudienste, ’n toonaangewende landboubesigheid in Suid-Afrika, kan Lemang Agricultural Services die interne kennis en kundigheid wat oor die afgelope 99 jaar opgebou is, benut.
AFGRI Landboudienste het ook ’n teenwoordigheid in Afrika en ’n groeiende teenwoordigheid in Wes-Australië.
AFGRI Landboudienste is ook in staat om Lemang met die nodige vaardighede te ondersteun en bied ’n uiters belangrike ondersteuningskomponent aan die hele Lemang-span.
Lemang het tans projekte in die Oos-Kaap, KwaZulu-Natal, die Vrystaat, Gauteng, Mpumalanga, Noordwes en Limpopo.
Sy Vastfontein-opleidingsakademie
in Tshwane maak voorsiening vir leerders deur verblyf te verskaf, asook grond vir praktiese demonstrasies en studieklasse.
“Ons maatskappy se bedrywighede het te make met voedselsekerheid, met lewensbestaan en met die bou van ’n landboubesigheid,” sê mnr. Praveen Dwarika, hoofbeampte van Lemang.
Hy beklemtoon die belangrikheid daarvan om die volgende geslag te voorsien van meer gevorderde vaardighede sodat jong boere goed toegerus is om voort te gaan met boerderybedrywighede.
“Daar moet openbaarmaking wees van al die relevante inligting oor die besigheid, waaronder leningsooreenkomste, versekerings- en aftreepolisse en batestate.
“Jy kan nie die toekoms voorspel nie, maar jy kan ’n plan gereed hê,” sê hy. “Beplanning moet deel wees van die daaglikse roetine op die plaas.”