PRYSE STYG MET 23% BY SENEKAL

In die Vrystaat toon 61% distrikte ’n gunstige neiging vir grondpryse in die 12 maande tot April vanjaar. Pryse het veral gestyg by Senekal (23,3%) en Vredefort (13,8%). By Odendaalsrus het pryse met 18,3% gedaal en by Philippolis met 11,4%.

In die betrokke tyd is 610 ooreenkomste in 42 distrikte gesluit. Dit het 267 321 ha teen R3,006 miljard behels.

Ten opsigte van die registrasie van transaksies vir plase van verskillende groottes, lyk dit soos volg (verlede jaar se syfer is tussen hakies): kleiner as 50 ha, 11% (10%); 50-150 ha, 17% (15%); 150-300 ha, 24% (25%); 300-450 ha, 19% (19%); 450600 ha, 9% (10%); groter as 600 ha, 20% (21%).

Die TABEL gee ’n opsomming van grondtransaksies in die Vrystaat groter as 10 ha.

— JOHANN BORNMAN

Statistieke vir ál die provinsies is op Landbou.com beskikbaar. Klik op Grond/Grond-oudit. Dit behels:

■ Besonderhede oor alle plaasverkope binne ’n distrik.

■ Ontleding van die randwaarde per hektaar.

■ Statistieke.