AMERSFOORT SA VLEISMERINO R30 000

Goeie pryse is op die 15de produksieveiling van mnr. Kobus de Jager van Amersfoort se jaarlikse produksieveiling op die plaas Schuilplaas, Amersfoort, behaal. Die duurste ram (0036 XX, foto) is vir R30 000 aan mnr. Udo Beneke van Lüneburg verkoop. Van links is me. Marie en mnr. Kobus de Jager, mnre. Beneke, Erik Heymans van BKB Louwid, Jan Mostert, afslaer, me. Sonette de Jager en mnr. Theuns Botha van BKB Ermelo hou die ram vas. Altesame 39 ramme is vir gemiddeld R14 487 verkoop, terwyl stoetooie gemiddeld R6 383 behaal het. BKB Louwid Frankfort het die veiling aangebied.