KROONSTAD / MEATMASTER / R16 000

Die duurste ram en ooi op Grasveld Meatmasters se veiling by Besterskraal, naby Kroonstad, is albei deur aanlyn kopers gekoop. Die dragtige, rooi ooi is teen R16 000 aan me. Lana Prinsloo van die Schalk Burger-boerdery, Pretoria, verkoop. Die telers is mnr. Johan en me. Jeanne Murry van Pienaarspan Meatmasters. Die duurste ram is teen R14 000 aan mnr. Johan van den Berg van Klipkuil Meatmasters, Leeudoringstad, verkoop. Die teler is mnr. Willem Steenkamp van Wilgerboom Meatmasters, Calvinia. Van links, staande: mnr. Luan en me. Jeanne Murray, mnre. PW van Heerden, Johan Murray, Jacob Kgojani, me. Jalme en mnr. Willem Steenkamp en mnr. Gift Makhana; hurkend: mnre. Frankie Xonga, Eric Makhathe, en Corné du Plessis. CDP Afslaers het die veiling aangebied. Ramme het gemiddeld R8 000 behaal en ooie gemiddeld R3 742.