Goeie nuus vir honde: JOCK Hondekos spog met ’n splinternuwe produksiefasiliteit
Trots Suid-Afrikaanse JOCK Hondekos bied ’n reeks wetenskaplik-geformuleerde, hoë-gehalte hondekos wat plaaslik vervaardig word. En nou word die JOCK-reeks by een van die grootste troeteldierkos-ekstruderingsfasiliteite in Suid-Afrika vervaardig.
Die verkryging van die Martin & Martin droë troeteldierkosaanleg in Isando, is in April 2021 bekend gemaak. Die moderne produksiefasiliteit verskaf werk aan meer as 120 mense, insluitend professionele personeel, produksie-operateurs, tegniese en verkoopspersoneel. Om hierdie indrukwekkende fabriek in ’n winsgewende, doeltreffende produksie-aanleg te omskep wat aan konsekwente gehalte produksie-uitsette kan voldoen, is ’n gefokusde en toegewyde span nodig. Die span by JOCK, met sy kliënt-gesentreerde, entrepreneuriese kultuur, is gereed om dié taak tot volmaaktheid uit te voer.
JOCK Hondekos is al jare lank ’n huishoudelike naam in Suid-Afrikaanse diereliefhebbers se huise. Die troeteldiervoedingsbedryf het oor die jare ’n magdom veranderinge ondergaan, maar een ding wat konstant bly, is die gehalte van ons hoogs smaaklike en gebalanseerde troeteldierkos, wat fundamenteel tot die welstand van ons harige vriendjies is. Ons reeks hondekos is wetenskaplik geformuleer om die held in jou hond na vore te bring, want helde word nie gebore nie, hulle word gemaak.
Die JOCK-handelsmerk het ’n gevestigde reputasie vir die lewering van konsekwente gehalte kos teen ’n billike prys, gerugsteun deur onoortreflike kliëntediens. Kernbestanddele wat in ons reeks gebruik word, word plaaslik voorsien, aangesien die besigheid ’n sterk ingesteldheid het om die SuidAfrikaanse landboubedryf te ondersteun. Slegs plaaslik-geproduseerde mielie- en pluimveevet word gebruik om JOCK te vervaardig.
As diereliefhebbers verstaan ons dat ons kliënte nét die beste vir hul viervoetige maats wil voorsien. Daarom word JOCK met slegs die beste gehalte bestanddele vervaardig om aan jou hond se voedingsbehoeftes vir optimale gesondheid te voldoen. Met topgehalte bestanddele is ons reeks uiters smaaklik en heilsaam vir honde. Dit is ook ryk aan proteïene en belaai met noodsaaklike minerale en vitamiene om jou hond se daaglikse voedingsbehoeftes te bevredig. Goeie gehalte voeding is die sleutel tot die ondersteuning van jou hond se gesondheid en om te verseker dat hy al die avonture van die lewe op sy fisiese en geestelike beste kan geniet.